Updated : 09/12/2021 09:26 IST

Cinema News: స్టార్లు చేయాల్సిన చిత్రం.. ‘మడ్డీ’

‘‘ఒక సినిమాకోసం ఐదేళ్లు కష్టపడ్డారంటే ఆ బృందానికున్న తపన ఎలాంటిదో అర్థమైంది. ఆ కథ కోసం ఓ కుటుంబం మొత్తం  పనిచేసిందని  తెలిశాక   మరింతగా ఆశ్చర్యపోయా. ఈ ప్రయత్నం నచ్చే ‘మడ్డీ’ని తెలుగులో విడుదల చేయాలని నిర్ణయించుకున్నా’’ అన్నారు ప్రముఖ నిర్మాత దిల్‌రాజు. డా.ప్రగభల్‌ దర్శకుడిగా పరిచయమవుతూ తెరకెక్కించిన చిత్రమే ‘మడ్డీ’. యువన్‌, రిధాన్‌ కృష్ణ ప్రధాన పాత్రలు పోషించారు. ప్రేమకృష్ణదాస్‌ నిర్మాత. ఈ చిత్రం ఈ నెల 10న ప్రేక్షకుల ముందుకొస్తోంది. ఈ సందర్భంగా చిత్రబృందం బుధవారం హైదరాబాద్‌లో విలేకర్ల సమావేశం ఏర్పాటు చేసింది. నిర్మాత దిల్‌రాజు మాట్లాడుతూ ‘‘తొలిసారి ఈ సినిమా ప్రచార చిత్రాలు చూడగానే ఆసక్తిని రేకెత్తించాయి. ఇలాంటి నేపథ్యంలో సినిమా రాలేదే అనిపించింది. స్టార్‌ కథానాయకులు చేయాల్సిన కథ ఇది. బురదలో సాగే రేసింగ్‌లోనూ, కొండలపైనా సాహసోపేతంగా చిత్రీకరణ చేయాలంటే ఇబ్బందికరం కాబట్టి స్టార్లతో కాకుండా కొత్త నటులతో తీశారు. సినిమా చాలా బాగా నచ్చింది. ఆ తర్వాత దర్శకుడితో మాట్లాడాక తెలిసింది ఇందులో ప్రధాన పాత్రలు పోషించిన ఆ ఇద్దరు కథానాయకులు దర్శకుడి సోదరులే అని. స్టార్లు ఎవ్వరూ ముందుకొచ్చే పరిస్థితి లేదు కాబట్టి మనమే ఎందుకు చేయకూడదని ఆలోచించి వాళ్లు ముందుకొచ్చారు. ఈ సినిమా కోసం రెండేళ్లు శిక్షణ తీసుకుని నటించారు. ప్రగభల్‌ తదుపరి చేయనున్న సినిమాకి నేను వెన్నుదన్నుగా ఉండాలని   నిర్ణయించుకున్నా’’ అన్నారు. దర్శకుడు మాట్లాడుతూ ‘‘ఒక భిన్నమైన    సినిమాని ప్రేక్షకులకు అందించాలని మేమంతా ఐదేళ్లు కష్టపడి చేశాం. ఆఫ్‌రోడ్‌ మడ్‌ రేస్‌ అనేది భారతదేశంలో కొత్త కాన్సెప్ట్‌. ఈ రేసింగ్‌ కోసం నటులు ప్రత్యేకంగా శిక్షణ తీసుకుని నటించార’’న్నారు.

Read latest Movies News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని

జనరల్

మరిన్ని