Mahesh Babu: బాలకృష్ణను మెచ్చిన మహేశ్‌బాబు.. ఒకే వేదికపై సందడి

ఇంటర్నెట్‌ డెస్క్‌: ప్రముఖ నటులు బాలకృష్ణ, మహేశ్‌బాబు ఒకే వేదికపై సందడి చేశారు. త్వరలోనే ఆ హంగామాను ప్రేక్షకులకి చూపించనున్నారు. బాలకృష్ణ వ్యాఖ్యాతగా వ్యవహరిస్తున్న కార్యక్రమం ‘అన్‌స్టాపబుల్‌ విత్‌ ఎన్‌బీకే’. ఈ షోకి మహేశ్‌బాబు అతిథిగా విచ్చేశారు. సంబంధిత ఎపిసోడ్‌ షూటింగ్‌ పూర్తయ్యాక మహేశ్‌ తన అభిప్రాయాన్ని ఇన్‌స్టాగ్రామ్‌ వేదికగా పంచుకున్నారు. ‘అన్‌స్టాపబుల్‌ బాలకృష్ణగారితో సమయం చాలా సరదాగా గడిచింది’ అని పేర్కొన్నారు. బాలకృష్ణతో కలిసి దిగిన ఓ ఫొటోను షేర్‌ చేశారు. ఈ కార్యక్రమానికి తొలి అతిథిగా పాల్గొని మోహన్‌బాబు, రెండో అతిథిగా నాని, మూడో ఎపిసోడ్‌లో బ్రహ్మానందం, దర్శకుడు అనిల్‌ రావిపూడి పలు ఆసక్తికర విషయాలు పంచుకున్నారు. మంచి వినోదం పంచారు. 

► Read latest Cinema News and Telugu News