Arjuna Phalguna: శ్రీవిష్ణు ‘అర్జున ఫల్గుణ’.. ఇలా తెరకెక్కించారు!

ఇంటర్నెట్‌ డెస్క్‌: తన కెరీర్‌ ప్రారంభం నుంచీ వైవిధ్యభరిత కథలతో ఆకట్టుకునే నటుడు శ్రీవిష్ణు. ఈ ఏడాది ఇప్పటికే రెండు చిత్రాలతో పలకరించిన ఈయన ఇప్పుడు మరో సినిమాతో సందడి చేయనున్నారు. తేజ మర్ని దర్శకత్వంలో శ్రీవిష్ణు నటించిన చిత్రం ‘అర్జున ఫల్గుణ’. అమృత అయ్యర్‌ కథానాయిక. మ్యాట్నీ ఎంటర్‌టైన్‌మెంట్‌ సంస్థ నిర్మించిన ఈ చిత్రం డిసెంబరు 31న ప్రేక్షకుల ముందుకురానంది. ఈ సందర్భంగా చిత్ర బృందం మేకింగ్‌ వీడియోను విడుదల చేసింది. సరదా సన్నివేశాలు, కొన్ని పోరాట దృశ్యాలతో ఈ వీడియో ఆసక్తిగా సాగింది. చాలా సరదాగా ఈ సినిమా షూటింగ్‌ జరిగినట్టు వీడియో చూస్తే అర్థమవుతుంది. ఈ సంవత్సరం.. ‘గాలి సంపత్‌’, ‘రాజ రాజ చోర’ చిత్రాలతో శ్రీవిష్ణు మంచి విజయం అందుకున్నారు.

► Read latest Cinema News and Telugu News