Mahesh Babu: విలన్లని కొట్టొచ్చాడు. ఆ వెంటనే మేం కలిశాం..

హైదరాబాద్‌: ప్రముఖ నటుడు మహేశ్‌బాబు హీరోగా నటిస్తోన్న చిత్రం ‘సర్కారు వారి పాట’. పరశురామ్‌ దర్శకత్వం వహిస్తున్నారు. ప్రస్తుతం నగరంలోని ఓ ప్రముఖ హోటల్‌లో యాక్షన్‌ సన్నివేశాలు చిత్రీకరిస్తున్నారు. ఇదే సమయంలో కాంగ్రెస్‌ ఎంపీ, కేంద్ర మాజీ మంత్రి శశిథరూర్‌ అక్కడికి చేరుకున్నారు. మహేశ్‌ని కలిసి, కాసేపు సరదాగా ముచ్చటించారు. సోషల్‌ మీడియా వేదికగా ఆ విశేషాల్ని పంచుకున్నారు. ‘మహేశ్‌బాబు ఇప్పుడే తన సినిమాలోని విలన్లని కొట్టొచ్చాడు. ఆ వెంటనే మేం కలిశాం. మహేశ్‌ని కలవడం చాలా సంతోషంగా ఉంది’ అని తెలిపారు. శశిథరూర్‌తోపాటు గుంటూరు ఎంపీ గల్లా జయదేవ్‌ ఉన్నారు. పార్లమెంటరీ స్థాయి సంఘం కార్యక్రమాల్లో భాగంగా శశిథరూర్‌ ఇటీవల హైదరాబాద్‌ విచ్చేసిన సంగతి తెలిసిందే.