Lakshya: డిసెంబరు 10 లక్ష్యంగా

విలువిద్యలో ఆరితేరిన  అతగాడి లక్ష్యం ఏంటి? దాన్ని ఎలా సాధించాడో తెలియాలంటే ‘లక్ష్య’ చూడాల్సిందే అంటున్నాడు నాగశౌర్య. ఆయన కథానాయకుడిగా నటిస్తున్న ఈ చిత్రాన్ని వచ్చే నెల 10న విడుదల చేస్తున్నారు. ఈ విషయాన్ని చిత్రబృందం బుధవారం ప్రకటిస్తూ ప్రత్యేక  పోస్టర్‌ను విడుదల చేసింది. సంతోష్‌ జాగర్లపూడి దర్శకత్వం వహిస్తున్న ఈ చిత్రాన్ని నారాయణ్‌ దాస్‌ కే నారంగ్‌, పుస్కూర్‌ రామ్‌మోహన్‌రావు, శరత్‌ మరార్‌ నిర్మిస్తున్నారు. నాగశౌర్య రెండు విభిన్నమైన గెటప్పుల్లో  కనిపించనున్న ఈ చిత్రంలో కేతికా శర్మ కథానాయికగా  నటిస్తోంది. ఈ చిత్రానికి సంగీతం : కాలభైరవ.