Anubhavinchu Raja: అనుభవించు రాజా నుంచి కొత్త పాట వచ్చేసింది..!

హైదరాబాద్‌: రాజ్‌ తరుణ్‌, కశిష్‌ ఖాన్‌ జంటగా నటించిన ఫ్యామిలీ ఎంటర్‌టైనర్‌ ‘అనుభవించు రాజా’. శ్రీను గవిరెడ్డి తెరకెక్కించిన ఈ చిత్రం నవంబర్‌ 26న ప్రేక్షకుల ముందుకు రానుంది. ఈ నేపథ్యంలో తాజాగా ఈ సినిమా నుంచి ఓ సరికొత్త పాట బయటకు వచ్చింది. ‘‘బతికేయ్‌ హాయిగా’’ అంటూ సాగే ఈ పాటకు భాస్కర భట్ల సాహిత్యం అందించగా దీపు ఆలపించారు. గోపీసుందర్‌ స్వరాలు సమకూర్చారు. వినోదాత్మక కథాంశంతో కుటుంబం మొత్తం మెచ్చేలా రూపొందిన చిత్రమిది. అన్నపూర్ణ స్టూడియోస్‌ పతాకంపై సుప్రియ యార్లగడ్డ ఈ చిత్రాన్ని నిర్మించారు. ఇందులో రాజ్‌ తరుణ్‌.. ఎలాంటి ఉద్యోగం చేయకుండా పెద్దలు సంపాదించిన డబ్బుని దుబారాగా కోళ్ల పందెలు కోసం ఖర్చు పెట్టే యువకుడిగా కనిపించనున్నారు.