Puneeth rajkumar: ఎన్టీఆర్‌ని చూడగానే కన్నీరు పెట్టుకున్న శివరాజ్‌కుమార్‌

హైదరాబాద్‌: తన ప్రాణ స్నేహితుడు, కన్నడ నటుడు పునీత్‌ రాజ్‌కుమార్‌కు తారక్‌ నివాళులర్పించారు. పునీత్‌ మరణవార్తతో తీవ్ర దిగ్భ్రాంతికి గురైన ఆయన శనివారం ఉదయం బెంగళూరుకు చేరుకున్నారు. కంఠీరవ మైదానంలో శ్రద్ధాంజలి ఘటించారు. పునీత్‌ పార్థివదేహాన్ని చూస్తూ భావోద్వేగంతో కన్నీరు పెట్టుకున్నారు. అనంతరం తారక్‌ని చూసిన పునీత్‌ సోదరుడు శివ రాజ్‌కుమార్‌ ఒక్కసారిగా కన్నీటి పర్యంతమయ్యారు. వెంటనే తారక్‌ ఆయన్ని ఆలింగనం చేసుకుని ఓదార్చారు. తారక్‌తోపాటు దర్శకుడు ప్రశాంత్‌నీల్‌ పునీత్‌కు నివాళులర్పించారు.