Arjuna phalguna: తీయని మాటతో కళ్లు మెరిసే..

శ్రీవిష్ణు, అమృతా అయ్యర్‌ జంటగా తేజ మార్ని తెరకెక్కించిన చిత్రం ‘అర్జున ఫల్గుణ’. నిరంజన్‌ రెడ్డి, అన్వేష్‌ రెడ్డి సంయుక్తంగా నిర్మించారు. నరేష్‌, శివాజీ రాజా, సుబ్బరాజు, దేవీ ప్రసాద్‌ తదితరులు కీలక పాత్రలు పోషించారు. ఈ సినిమా ఈనెల 31న థియేటర్లలో విడుదల కానుంది. ఈ నేపథ్యంలోనే మంగళవారం ‘‘ఒక తీయని మాటతో కళ్లు మెరిసే’’ అనే గీతాన్ని విడుదల చేశారు. నాయకా నాయికల మధ్య సాగే ఈ మెలోడీ పాటకు ప్రియదర్శన్‌ బాలసుబ్రహ్మణ్యన్‌ స్వరాలు సమకూర్చగా.. చైతన్య ప్రసాద్‌ సాహిత్యమందించారు. శశ్వత్‌ సింగ్‌, శ్రేయా అయ్యర్‌ ఆలపించారు. వైవిధ్యభరితమైన ఆసక్తికర కథాంశంతో రూపొందుతోన్న చిత్రమిది. మునుపెన్నడూ చూడని సరికొత్త పాత్రలో శ్రీవిష్ణు కనిపిస్తారు. ఈ సినిమాకి ఛాయాగ్రహణం: జగదీష్‌ చీకటి.