Manasanamha: ఆస్కార్‌ అవార్డు బరిలో తెలుగు చిత్రం ‘మనసానమః’

హైదరాబాద్‌: సినిమాకు అత్యున్నత స్థాయి పురస్కారంగా భావించే ఆస్కార్ అవార్డుల బరిలో ఓ తెలుగు లఘు చిత్రం నిలిచింది. వచ్చే ఏడాది ఆస్కార్ పోటీలకు ‘మనసానమః’(Manasanamha) లఘు చిత్రం అర్హత సాధించింది. యువ దర్శకుడు దీపక్ తెరకెక్కించిన ఈ లఘు చిత్రం అనేక జాతీయ, అంతర్జాతీయ వేదికలపై సుమారు 900కుపైగా పురస్కారాలను గెలుచుకుంది. రివర్స్ స్క్రీన్‌ప్లే లవ్ స్టోరీగా తెరకెక్కిన ఈ చిత్రాన్ని చూసిన వివిధ దేశాల్లోని సినీ ప్రియులు... ‘మనసానమః’ ప్రయత్నాన్ని అభినందిస్తూ చిత్ర యూనిట్‌ను ప్రశంసించారు. ఆస్కార్ క్వాలిఫైలో ఉన్న ఈ చిత్రానికి ఈ నెల 10 నుంచి ఓటింగ్ జరగబోతుంది. ఈ సందర్భంగా హైదరాబాద్‌లో చిత్ర దర్శకుడు దీపక్‌తో పాటు నటీనటులు విరాజ్, దృశిక, డీవోపీ రాజ్, సంగీత దర్శకుడు కమ్రాన్ తమ ఆనందాన్ని వ్యక్తం చేశారు.

► Read latest Cinema News and Telugu News