MAA Elections: ప్యానెల్‌ సభ్యులతో ప్రకాశ్‌ రాజ్‌ సమావేశం

ఇంటర్నెట్ డెస్క్‌: మూవీ ఆర్టిస్ట్స్‌ అసోసియేషన్‌ (మా) ఎన్నికల అంశం రోజురోజుకూ ఆసక్తిని పెంచుతోంది. అధ్యక్ష పదవికి పోటీ చేస్తారని భావించిన హేమ, జీవితా రాజశేఖర్‌ అనూహ్యంగా ప్రకాశ్‌ రాజ్‌ ‘‘సిని‘మా’ బిడ్డలం’’ ప్యానెల్‌లో చేరడం హాట్‌ టాపిక్‌ అయింది. మరోవైపు.. ఈ ప్యానెల్‌కి సంబంధించి అధికార ప్రతినిధిగా నటుడు, నిర్మాత బండ్ల గణేశ్‌ ఎంపికవగా ప్యానెల్‌ నుంచి తప్పుకున్నట్టు ఆయన ప్రకటించడం చర్చనీయాంశమైంది. ఈ నేపథ్యంలో ఆయన ప్యానెల్‌ సభ్యులతో సమావేశమయ్యారు. ‘‘సిని‘మా’ బిడ్డలం కలిశాం. నా టీమ్‌ని, వారి స్ఫూర్తిని ఎంతో ఇష్టపడుతున్నా. జయహో సినిమా’ అని ట్వీట్‌ చేశారు. పలు అంశాలపై కూలంకషంగా చర్చించి, త్వరలోనే ఎజెండాను ప్రకటించనున్నారు. ఈ సమావేశంలో జీవితా రాజశేఖర్‌, శ్రీకాంత్‌, హేమ, అనసూయ తదితరులు పాల్గొన్నారు.