Priyanka Chopra: నిక్ సతీమణి అంటూ వార్తలు.. ఆగ్రహించిన ప్రియాంక
ఎన్నో హిట్ చిత్రాల్లో నటిగా బాలీవుడ్, హాలీవుడ్లోనూ గుర్తింపు తెచ్చుకున్న తార ప్రియాంక చోప్రా. హాలీవుడ్కు చెందిన పాప్ సింగర్ నిక్ జొనాస్ని పెళ్లి చేసుకున్న ఆమె.. ప్రస్తుతం అక్కడి చిత్రాల్లో నటిస్తూ ప్రేక్షకుల్ని అలరిస్తున్నారు....
ఇంటర్నెట్డెస్క్: ఎన్నో హిట్ చిత్రాల్లో నటిగా బాలీవుడ్, హాలీవుడ్లోనూ గుర్తింపు తెచ్చుకున్న తార ప్రియాంక చోప్రా. హాలీవుడ్కు చెందిన పాప్ సింగర్ నిక్ జొనాస్ని పెళ్లి చేసుకున్న ఆమె.. ప్రస్తుతం అక్కడి చిత్రాల్లో నటిస్తూ ప్రేక్షకుల్ని అలరిస్తున్నారు. కెరీర్ పరంగా ఉన్నత శిఖరాలు అధిరోహించినప్పటికీ కొన్ని అంతర్జాతీయ పత్రికలు ఆమెను నిక్ సతీమణిగానే అభివర్ణించడంపై ప్రియాంక ఆగ్రహం వ్యక్తం చేశారు. మహిళలకు మాత్రమే ఎప్పుడూ ఎందుకు ఇలా జరుగుతుంది?అని ఆమె ఆవేదన చెందారు.
ప్రస్తుతం ప్రియాంక ‘మ్యాట్రిక్స్ రిజరాక్షన్స్’ (Matrix Resurrections) సినిమా ప్రమోషన్స్లో బిజీగా ఉన్నారు. డిసెంబర్ 22న ప్రేక్షకుల ముందుకు రానున్న ఈ సైన్స్ ఫిక్షన్, యాక్షన్ డ్రామా కోసం సినీ ప్రియులు ఎంతగానో ఎదురుచూస్తున్నారు. తాజాగా జరిగిన ప్రెస్మీట్లో పాల్గొన్న ప్రియాంక.. సినిమాపై ఎన్నో ఆసక్తికర వ్యాఖ్యలు చేశారు. ఈ విషయాన్ని తెలియజేస్తూ అంతర్జాతీయ మీడియా పలు వార్తలు ప్రచురించింది. వాటిల్లో నిక్ జొనాస్ సతీమణి మ్యాట్రిక్స్ విశేషాలపై స్పందించారు అని రాయగా.. ఆయా వార్తల స్క్రీన్షాట్స్ షేర్ చేసిన ప్రియాంక... ‘‘ప్రపంచవ్యాప్తంగా ఉన్న ప్రేక్షకులందరూ ఎంతో ఆతృతగా ఎదురుచూస్తున్న సిరీస్ల్లో ఒకటైన మ్యాట్రిక్స్ ప్రమోషన్స్లో పాల్గొన్నప్పటికీ.. నన్ను ఓ వ్యక్తి భార్యగానే అభివర్ణించడం ఆశ్చర్యంగా ఉంది. మహిళలకు ఇంకా ఇలాగే ఎందుకు జరుగుతుందో దయచేసి చెప్పండి? ఇప్పటివరకూ నేను చేసిన సినిమాలన్నింటి జాబితా నా ఇన్స్టా బయోలో పెట్టుకోవాలేమో?’’ అని ప్రియాంక కామెంట్ చేశారు.
► Read latest Cinema News and Telugu News
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
తాజా వార్తలు (Latest News)
-
వీలైతే ఒకసారి వీళ్లపై తీసిన సినిమాలు చూడండి: పూరి జగన్నాథ్
-
గూగుల్ మ్యాప్స్లో మరో కొత్త ఫీచర్.. ఈవీ స్టేషన్లు వెతకడం ఇక సులువే!
-
స్వీపర్ తనయుడు.. సివిల్స్లో సత్తా చాటాడు
-
40 గంటల బ్యాటరీ లైఫ్తో నథింగ్ నుంచి 2 కొత్త ఇయర్బడ్స్
-
కాలేజీ క్యాంపస్లో ఘోరం.. కార్పొరేటర్ కుమార్తె దారుణ హత్య
-
అమ్మ చనిపోయారు.. నేను పోటీ చేయలేను: ‘హిమాచల్’ డిప్యూటీ సీఎం కుమార్తె