Puneet Rajkumar: పునీత్‌ సింప్లిసిటీకి నిదర్శనం ఈ వీడియో!

ఇంటర్నెట్‌ డెస్క్‌: తనెంత పెద్ద స్టార్‌ అయినా పునీత్‌ రాజ్‌కుమార్‌ తన చుట్టూ ఉండే వారితో ఇట్టే కలిసిపోయేవారు. అందరినీ నవ్వుతూ పలకరించేవారు. ఆయన వ్యక్తిత్వానికి సాధారణ ప్రజలే కాదు సెలబ్రిటీలు సైతం ఫిదా అయ్యేవారు. అలాంటి వ్యక్తి మరణాన్ని అటు సినీ ప్రముఖులు, ఇటు ప్రేక్షకులూ జీర్ణించుకోలేకపోతున్నారు. రాజ్‌కుమార్‌తో ఉన్న తమ అనుబంధాన్ని సామాజిక మాధ్యమాల వేదికగా గుర్తుచేసుకుని, సంతాపం ప్రకటిస్తున్నారు. పునీత్‌ సింప్లిసిటీకి నిదర్శంగా నిలుస్తోంది ఓ వీడియో. తన ఆఖరి చిత్రం ‘యువరత్న’ ప్రచారంలో భాగంగా అభిమానుల్ని రాజ్‌కుమార్‌ సర్‌ప్రైజ్‌ చేసిన వీడియో ఇది. ఎంతో ఆప్యాయంగా తన అభిమానులతో రాజ్‌కుమార్‌ మాట్లాడిన తీరు హృదయాల్ని హత్తుకుంటోంది.