Raja Vikramarka: ‘రాజా విక్రమార్క’ ట్రైలర్‌.. దీపావళి గ్రాండ్‌గా ప్లాన్‌ చేసిన కార్తికేయ!

ఇంటర్నెట్‌ డెస్క్‌: విక్రమ్‌.. ఎన్‌ఐఏ (జాతీయ దర్యాప్తు సంస్థ) ఏజెంట్‌. చిన్నప్పుడు కృష్ణ సినిమాలు, పెద్దయ్యాక టామ్‌క్రూజ్‌ చిత్రాలు చూసి ఆవేశంతో ఎన్‌ఐఏలో చేరాడు. కొన్నాళ్లకి తన సరదా తీరిపోతుంది. ఏం చేయాలో తెలియని పరిస్థితి ఏర్పడుతుంది. మరి అతను ఆ జాబ్‌లో కొనసాగాడా? వదిలేశాడా? అసలు విక్రమ్‌ కథేంటి? తెలియాలంటే ‘రాజా విక్రమార్క’ సినిమా చూడాల్సిందే. కార్తికేయ హీరోగా శ్రీ సారిపల్లి తెరకెక్కిస్తోన్న చిత్రమిది. ఎన్‌ఐఏ ఏజెంట్‌ విక్రమ్‌గా కార్తికేయ కనిపించనున్నారు. తాన్యా రవిచంద్రన్‌ కథానాయిక. ఈ సినిమా నవంబరు 12న ప్రేక్షకుల ముందుకు రానుంది. ఈ సందర్భంగా నటుడు నాని ట్రైలర్‌ని విడుదల చేశారు. కామెడీ, ట్విస్ట్‌లతో ఈ ట్రైలర్‌ ఆద్యంతం ఆసక్తిగా సాగింది. కార్తికేయ నటన, లుక్స్‌ ఆకట్టుకునేలా ఉన్నాయి. కార్తికేయని ఉద్దేశించి ‘వీడిది బలుపు కాదు దూల’ అని తనికెళ్ల భరణి ,‘దీపావళి.. గ్రాండ్‌గా ప్లాన్‌ చేశావ్‌’ అంటూ కార్తికేయ అలరించారు. రమణ రెడ్డి నిర్మిస్తోన్న ఈ చిత్రానికి ప్రశాంత్‌ విహారి సంగీతం అందిస్తున్నారు.