Published : 04 Dec 2021 01:18 IST

RajaShekar: రాజ‘శేఖర్‌’ ఓటీటీకి వెళ్తోందా?

హైదరాబాద్‌: కరోనా కారణంగా థియేటర్లకు వెళ్లేందుకు ప్రేక్షకులు ఇంకా పూర్తిస్థాయిలో ఆసక్తి చూపించని తరుణంలో.. పలు ఓటీటీ సంస్థలు ఆ అవకాశాన్ని సద్వినియోగం చేసుకుంటున్నాయి. డైరెక్ట్‌ ఓటీటీ రిలీజ్‌లతో ప్రేక్షకులను అలరించేందుకు సిద్ధమవుతున్నాయి. ఈ నేపథ్యంలో టాలీవుడ్‌కు చెందిన కొన్ని భారీ సినిమాలు ఓటీటీలోనే విడుదలయ్యాయి. కాగా, తాజాగా ఇప్పుడు మరో కొత్త సినిమా డైరెక్ట్‌ ఓటీటీ రిలీజ్‌కే సిద్ధమైనట్లు వార్తలు వినిపిస్తున్నాయి. ఇంతకీ ఆ సినిమా ఏమిటంటే ‘శేఖర్‌’.

రాజశేఖర్‌ కథానాయకుడిగా నటిస్తున్న యాక్షన్‌ ఎంటర్‌టైనర్‌ ‘శేఖర్‌’. ఆయన సతీమణి జీవిత ఈ చిత్రానికి దర్శకత్వం వహిస్తున్నారు. మలయాళంలో సూపర్‌హిట్‌ అందుకున్న ‘జోసెఫ్‌’కు రీమేక్‌గా ఈ సినిమా తెరకెక్కుతోంది. ప్రస్తుతం చిత్రీకరణ దశలో ఉన్న ఈ సినిమాకు సంబంధించి ఓ వార్త ఇప్పుడు నెట్టింట్లో చక్కర్లు కొడుతోంది. ‘శేఖర్‌’ను త్వరలోనే డైరెక్ట్‌ ఓటీటీలో విడుదల చేయనున్నారని.. ఈ మేరకు పలు ఓటీటీ సంస్థల నుంచి చిత్రబృందానికి భారీ ఆఫర్లు వచ్చాయని టాక్‌. అంతేకాకుండా, ప్రస్తుతం ఉన్న పరిస్థితుల రీత్యా చిత్రబృందం సైతం ఓటీటీ ఆఫర్ల పట్ల సుముఖంగానే ఉన్నట్లు తెలుస్తోంది. అయితే ఈ వార్తలపై ఎలాంటి అధికారిక ప్రకటన వెలువడలేదు.

Read latest Movies News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

సుఖీభవ

మరిన్ని