Annaatthe: ‘అన్నాత్తే’ ఓవర్సీస్‌ రికార్డు.. 1193 థియేటర్లలో రజనీకాంత్‌ చిత్రం

చెన్నై: కొవిడ్‌ ఫస్ట్‌, సెకండ్‌ వేవ్‌ తర్వాత ఓవర్సీస్‌లో అత్యధిక థియేటర్లలో విడుదలవుతున్న చిత్రంగా ‘అన్నాత్తే’ రికార్డు సృష్టించింది. సుమారు 1193 విదేశీ స్క్రీన్లలో ఈ చిత్రం సందడి చేయనుంది. చిత్ర బృందం ఈ విషయాన్ని సామాజిక మాధ్యమాల వేదికగా తెలియజేస్తూ ఆనందాన్ని వ్యక్తం చేసింది. ఈ చిత్రం విడుదలకానున్న దేశాలు, థియేటర్ల సంఖ్యని ప్రకటించింది. యు.ఎస్‌.ఎ. (677), యు.ఎ.ఇ. (117), మలేషియా (110), శ్రీలంక (86), ఆస్ట్రేలియా, న్యూజిలాండ్‌ (85), యూరప్‌ (43), యు.కె. (35), సింగపూర్‌ (23), కెనడా (17)లో ఈ సినిమా ప్రదర్శితంకానుంది. రజనీకాంత్‌ హీరోగా దర్శకుడు శివ రూపొందించిన చిత్రమిది. నయనతార కథానాయిక. కీర్తి సురేశ్‌, ఖుష్బూ, మీనా కీలక పాత్రలు పోషించారు. దీపావళి కానుకగా నవంబరు 4న విడుదల చేస్తున్నారు. తెలుగులో ‘పెద్దన్న’ పేరుతో రాబోతుంది.