Romantic: ఓటీటీలో ‘రొమాంటిక్‌’.. ‘ఆహా’ అనిపించే ట్రైలర్‌ చూశారా!

ఇంటర్నెట్‌ డెస్క్‌: ప్రముఖ దర్శకుడు పూరి జగన్నాథ్‌ తనయుడు ఆకాశ్‌ హీరోగా తెరకెక్కిన చిత్రం ‘రొమాంటిక్‌’. కేతిక శర్మ కథానాయిక. అనిల్‌ పాదూరి దర్శకత్వం వహించారు. అక్టోబరు 29న థియేటర్లలో విడుదలై యువతను అమితంగా ఆకర్షించిన ఈ సినిమా త్వరలోనే డిజిటల్‌ మాధ్యమంలో సందడి చేయనుంది. ప్రముఖ ఓటీటీ ‘ఆహా’లో ఈనెల 26 నుంచి స్ట్రీమింగ్‌కానుంది. ఈ సందర్భంగా ‘ఆహా కట్‌’ పేరుతో ట్రైలర్‌ను విడుదల చేశారు. రొమాంటిక్‌, యాక్షన్‌ సన్నివేశాలతో అన్ని వర్గాల ప్రేక్షకుల్ని ఆకట్టుకునేలా ఈ ప్రచార చిత్రాన్ని తీర్చిదిద్దారు. పూరి జగన్నాథ్‌, ఛార్మి సంయుక్తంగా నిర్మించిన ఈ సినిమాలో రమ్యకృష్ణ, ఉత్తేజ్‌, రమాప్రభ, దేవయాని తదితరులు కీలక పాత్రలు పోషించారు. సునీల్‌ కశ్యప్‌ సంగీతం అందించారు. ఇంకెందుకు ఆలస్యం ట్రైలర్‌పై ఓ లుక్కేయండి..