Rowdy Boys: ‘రౌడీ బాయ్స్‌’.. సందడి మొదలైంది!

ఇంటర్నెట్‌ డెస్క్‌: ప్రముఖ నిర్మాత దిల్‌ రాజు మేనల్లుడు ఆశిష్‌ ‘రౌడీ బాయ్స్‌’ చిత్రంతో హీరోగా పరిచయమవుతున్న సంగతి తెలిసిందే. ‘హుషారు’ ఫేం హర్ష కొనుగంటి ఈ చిత్రానికి దర్శకత్వం వహిస్తున్నారు. ఈ సినిమాని త్వరలోనే ప్రేక్షకుల ముందుకు తీసుకురానున్న నేపథ్యంలో టైటిల్‌ గీతాన్ని విడుదల చేశారు. విశాఖపట్నంలోని విజ్ఞాన్‌ కళాశాల ఈ వేడుకకి వేదికైంది. ఈ హుషారైన గీతాన్ని ప్రముఖ ర్యాప్‌ సింగర్‌ రోల్‌ రైడా రచించి, ఆలపించారు. దేవిశ్రీ ప్రసాద్‌ స్వరాలు సమకూర్చారు. కథానాయకుడి లుక్స్‌, డ్యాన్సు ఆకట్టుకునేలా ఉన్నాయి. ఇంజినీరింగ్‌, మెడికల్‌ కాలేజీ విద్యార్థుల మధ్య సాగే కథ ఇది. ప్రేమ, యాక్షన్‌, డ్రామా నేపథ్యంలో రూపొందుతోంది. ఈ చిత్రంలో ఆశిష్‌ సరసన అనుపమ పరమేశ్వరన్‌ అలరించనుంది. ఈ సినిమాని శ్రీ వెంకటేశ్వర క్రియేషన్స్‌ పతాకంపై దిల్‌రాజు నిర్మిస్తున్నారు.