PUSHPA: పుష్పరాజ్, శ్రీవల్లి జోడీగా వస్తే.. ఈల వేయాల్సిందే..!

హైదరాబాద్‌: మునుపెన్నడూ లేనివిధంగా ఐకాన్‌స్టార్‌ అల్లు అర్జున్‌ (Allu Arjun) రఫ్‌లుక్‌లో నటిస్తున్న చిత్రం ‘పుష్ప’(Pushpa). ఎర్రచందనం స్మగ్లింగ్‌ నేపథ్యంగా తెరకెక్కుతోన్న ఈ చిత్రంలో పుష్పరాజ్‌ అనే స్మగ్లర్‌ పాత్రలో బన్నీ కనిపించనున్నారు. పుష్పరాజ్‌ ప్రేయసి శ్రీవల్లి పాత్రలో కన్నడ బ్యూటీ రష్మిక(Rashmika) నటిస్తున్నారు. తాజాగా ఈ సినిమా నుంచి ఓ స్పెషల్ మాస్‌ ట్రీట్‌ బయటకు వచ్చింది. ఈ మేరకు ‘పుష్ప’లోని మూడో పాట ‘సామీ నా సామీ’(Saami Saami) లిరికల్‌ వీడియోని గురువారం ఉదయం చిత్రబృందం సోషల్‌ మీడియాలో పంచుకొంది. ఈ మాస్‌ సాంగ్‌ను మౌనికా యాదవ్‌ అలపించారు. 

పాన్‌ ఇండియా చిత్రంగా రూపుదిద్దుకుంటోన్న ఈ చిత్రాన్ని రెండు భాగాలుగా విడుదల చేయనున్నారు. ‘పుష్ప ది రైజ్‌’(Pushpa The Rise) పేరుతో తొలి భాగాన్ని క్రిస్మస్‌ కానుకగా డిసెంబర్‌ 17న ప్రేక్షకుల ముందుకు తీసుకురానున్నారు. దర్శకుడు సుకుమార్‌-బన్నీ కాంబినేషన్‌లో వస్తోన్న హ్యాట్రిక్‌ చిత్రమిది. దేవిశ్రీ ప్రసాద్‌ (DSP) స్వరాలు అందిస్తున్నారు. ఈ సినిమాలో రష్మిక డీ గ్లామర్‌ లుక్‌లో కనిపించనున్నారు. మలయాళీ నటుడు ఫహద్‌ ఫాజిల్‌ కీలకపాత్ర పోషిస్తున్నారు. మైత్రి మూవీమేకర్స్ పతాకంపై ఈ సినిమా నిర్మితమవుతోంది.