Salmankhan: సల్మాన్‌ వ్యాఖ్యాతగా ఐఫా వేడుక

వచ్చే ఏడాది జరగనున్న ది ఇంటర్నేషనల్‌ ఇండియన్‌ ఫిల్మ్‌ అకాడెమీ (ఐఫా) పురస్కారాల వేడుకకు అబుదాబి వేదిక కానుంది. 22వ ‘ఐఫా’ వేడుకలు అబుదాబిలోని యస్‌ ఐల్యాండ్‌లో వచ్చే ఏడాది మార్చి 18, 19 తేదీల్లో జరగనున్నట్టు నిర్వాహకులు మంగళవారం ప్రకటించారు. ఈ కార్యక్రమానికి ప్రముఖ బాలీవుడ్‌ కథానాయకుడు సల్మాన్‌ఖాన్‌ వ్యాఖ్యాతగా వ్యవహరించనున్నారు. ‘‘75వ భారత స్వాతంత్య్ర వేడుకలు, యూఏఈ 50 ఏళ్ల పండగ సందర్భంగా 22వ ‘ఐఫా’ వేడుకను ఘనంగా నిర్వహించనున్నాం. భారతీయ చిత్ర సీమ గొప్పతనాన్ని ప్రపంచానికి చాటి చెప్పే గొప్ప కార్యక్రమంగా ఈ వేడుకను నిర్వహిస్తాం’’అని ‘ఐఫా’ నిర్వాహకులు ప్రకటించారు.