Shyam Singha Roy: శ్యామ్‌ సింగరాయ్‌.. ఎగసిపడు అలజడి వాడే..!

హైదరాబాద్‌: నేచురల్‌ స్టార్‌ నాని కథానాయకుడిగా నటిస్తున్న చిత్రం ‘శ్యామ్‌ సింగరాయ్‌’. సూపర్‌ నేచురల్‌ థ్రిల్లర్‌ కథాంశంతో ఇది రూపుదిద్దుకుంటోంది. రాహుల్‌ సాంకృత్యన్‌ దర్శకత్వం వహిస్తోన్న ఈసినిమా ప్రస్తుతం నిర్మాణాంతర పనులు పూర్తి చేసుకుంటోంది. ఈ నేపథ్యంలో శనివారం ఈసినిమా నుంచి ఫస్ట్‌ సాంగ్‌ని చిత్రబృందం విడుదల చేసింది. రైజ్‌ ఆఫ్‌ శ్యామ్‌ పేరుతో విడుదలైన ఈ పాట ఆద్యంతం ఆకట్టుకునేలా ఉంది. విభిన్న కథతో తెరకెక్కుతోన్న ఈ సినిమాలో నాని సీరియస్‌ లుక్‌లో కనిపించనున్నారు. సాయిపల్లవి కథానాయిక. కృతిశెట్టి, మడోన్నా కీలకపాత్రలు పోషించారు. మిక్కీ జే మేయర్‌ స్వరాలు అందిస్తున్నారు. నిహారిక ఎంటర్‌టైన్‌మెంట్స్‌ పతాకంపై ఈ సినిమా నిర్మితమవుతోంది.