SIIMA 2019: ఉత్తమ విలన్‌, ఉత్తమ సింగర్‌.. నామినేట్‌ అయింది వీరే..!

ఇంటర్నెట్‌ డెస్క్‌: సౌత్‌ ఇండియన్‌ ఇంటర్నేషనల్‌ మూవీ అవార్డ్స్‌ (సైమా) వేడుక త్వరలోనే సందడి చేయనుంది. హైదరాబాద్‌ వేదికగా సెప్టెంబరు18, 19 తేదీల్లో ఈ కార్యక్రమాన్ని నిర్వహించనున్నారు. 2019 సంవత్సరానికి సంబంధించి ఇప్పటికే పలు విభాగాల నామినేషన్లు వెలువడ్డాయి. తాజాగా ఉత్తమ విలన్‌, ఉత్తమ సింగర్‌ నామినేషన్ల వివరాల్ని సైమా ప్రకటించింది.

ఉత్తమ విలన్‌ కేటగిరీ: జగపతి బాబు (మహర్షి), రెజీనా కస్సాండ్ర (ఎవరు), కార్తికేయ (నానీస్‌ గ్యాంగ్‌ లీడర్‌), వివేక్‌ ఒబెరాయ్‌ (వినయ విధేమ రామ), సోనూసూద్‌ (సీత). ఉత్తమ గాయని: చిన్మయి (ప్రియతమ ప్రియతమ -మజిలీ), సునిధి చౌహాన్‌, శ్రేయా ఘోషల్‌ (సైరా టైటిల్ గీతం), మంగ్లి (వాడు నడిపే బండి- జార్జిరెడ్డి), సత్య యామిని, మోహన భోగరాజు, హరితేజ (ఓ బావ- ప్రతిరోజూ పండగే), యామిని ఘంటసాల (గిర గిర- డియర్‌ కామ్రేడ్‌). ఉత్తమ గాయకుడు: అనురాగ్‌ కులకర్ణి (ఇస్మార్ట్‌ శంకర్‌ టైటిల్‌ గీతం),  శంకర్‌ మహదేవన్‌ (పదర పదర- మహర్షి), ఎం.ఎల్‌.ఆర్‌. కార్తికేయన్‌ (తందానే తందానే- వినయ విధేయ రామ), సిధ్ శ్రీరామ్‌ (అరెరె మనసా- ఫలక్‌నుమాదాస్‌), సుదర్శన్‌ అశోక్‌ (ప్రేమ వెన్నెల- చిత్ర లహరి). తెలుగుతోపాటు కన్నడ, మలయాళ, తమిళ భాషా చిత్రాల నామినేషన్లూ వచ్చాయి. మరి ఆయా భాషల్లో ఉత్తమ విలన్‌, ఉత్తమ సింగర్‌గా ఎవరు పోటీ పడుతున్నారో చూసేయండి...