Vinayaka Chaturthi: వినాయక చవితి స్పెషల్‌ సాంగ్స్ విన్నారా..!

హైదరాబాద్‌: భక్తి పాటలతో తరచూ అలరిస్తోన్న ప్రముఖ గాయని మంగ్లీ మరోసారి ఆకట్టుకున్నారు. వినాయక చవితి పర్వదినాన్ని పురస్కరించుకుని ప్రతి ఏడాదిలానే ఈసారి కూడా గణపతి పాటతో మెప్పించారు. ప్రజల జీవన స్థితిగతులను.. గణనాథుడి గొప్పతనాన్ని.. ఈ పాటలో వివరించారు. ‘గజానన గణపతి గజముఖుడే.. భజనతో భక్తి చూపూ పొంగిపోతడే..’ అంటూ సాగే ఈ పాటకు లక్ష్మణ్‌ లిరిక్స్‌ అందించారు. ప్రస్తుతం ఈ పాట యూట్యూబ్‌ ట్రెండింగ్‌లో రెండోస్థానంలో దూసుకెళ్తోంది. మంగ్లీతోపాటు రాహుల్‌ సిప్లిగంజ్‌, మధుప్రియ, శ్రేయాఘోషల్‌ సైతం ఏకదంతుడిపై పాటలు విడుదల చేశారు. ఒక్కసారి ఆ పాటలపై మీరూ ఓ లుక్కేయండి..!