Raja Raja Chora Review: రివ్యూ: రాజ రాజ చోర
Raja Raja Chora Review: శ్రీవిష్ణు, మేఘా ఆకాష్ కీలక పాత్రల్లో నటించిన ‘రాజ రాజ చోర’ సినిమా ఎలా ఉందంటే?
చిత్రం: రాజ రాజ చోర; నటీనటులు: శ్రీవిష్ణు, మేఘా ఆకాష్, సునయన, రవిబాబు, తనికెళ్ల భరణి, శ్రీకాంత్ అయ్యంగార్, అజయ్ ఘోష్ తదితరులు; సంగీతం: వివేక్ సాగర్; సినిమాటోగ్రఫీ: వేద రమణ్ శంకరన్; ఎడిటింగ్: విప్లవ్; నిర్మాత: అభిషేక్ అగర్వాల్, టీజీ విశ్వ ప్రసాద్; దర్శకత్వం: హసిత్ గోలి; విడుదల: 19-08-2021
శ్రీవిష్ణు సినిమా అంటే అందులో కచ్చితంగా ఓ కొత్త కథ ఉంటుందని నమ్మేంతగా ప్రేక్షకులపై ఆయన ప్రభావం చూపించారు. అందుకే జయాపజయాలతో సంబంధం లేకుండా శ్రీవిష్ణు సినిమా వస్తోందంటే ప్రతిసారీ ప్రేక్షకుల్లో ప్రత్యేకమైన ఆసక్తి కనిపిస్తుంటుంది. కరోనా రెండో దశ తర్వాత విడుదలైన ‘రాజ రాజ చోర’పై కూడా ప్రత్యేకమైన అంచనాలే ఏర్పడ్డాయి. వెంకటేష్ సినిమాల్ని గుర్తు చేస్తుందంటూ శ్రీవిష్ణు ఆ అంచనాల్ని రెట్టింపు చేశారు. మరి సినిమా ఎలా ఉంది?ఈ చోరుడు కథేంటి?
కథేంటంటే: స్టేషనరీ షాప్లో పనిచేస్తుంటాడు భాస్కర్ (శ్రీవిష్ణు). కానీ, సాఫ్ట్వేర్ ఇంజినీర్ అని చెప్పుకుంటూ సంజన (మేఘ ఆకాష్)తో ప్రేమాయణం సాగిస్తుంటాడు. అవసరాలు అతన్ని ఓ దొంగలా మార్చేస్తాయి. అనూహ్య పరిణామాల తర్వాత భాస్కర్ సాఫ్ట్వేర్ ఇంజినీర్ కాదనీ... అతనికి విద్య (సునయన) అనే మరో అమ్మాయితో పెళ్లయ్యిందని, వాళ్లిద్దరికీ ఓ అబ్బాయి కూడా ఉన్నాడనే విషయం సంజనకి తెలుస్తుంది. మరి నిజంగానే భాస్కర్కి పెళ్లయిందా? దొంగగా పట్టుబడి పోలీసులకి చిక్కిన భాస్కర్ జీవితం ఎలాంటి మలుపులు తిరిగిందనేది మిగతా కథ.
ఎలా ఉందంటే: దొంగ వాల్మీకి ఎలా అయ్యాడో... అలా ఓ దొంగ తన జీవితంలో చెందిన పరివర్తనమే ఈ చిత్రం. మనసు ఒకటి చెబుతున్నా... డబ్బు కోసం మరొకటి చేయడం కూడా తప్పే అనే సందేశాన్ని సునిశితమైన హాస్యం, భావోద్వేగాలు, డ్రామాని మేళవించి చిత్రాన్ని తీర్చిదిద్దిన విధానం మెప్పిస్తుంది. మంచి కథ, కథనం, పాత్రలతో దర్శకుడు చిత్రాన్ని తీర్చిదిద్దాడు. అయితే చాలా సన్నివేశాలు నెమ్మదిగా సాగడం ఇబ్బంది పెడుతుంది. పాత్రల్ని పరిచయం చేయడానికి బాగా సమయం తీసుకున్నాడు దర్శకుడు. భాస్కర్ - విద్యల నేపథ్యంలో సన్నివేశాలు మొదలయ్యాకే కథలో వేగం పెరుగుతుంది. విరామ సన్నివేశాలకి ముందు భాస్కర్ సాఫ్ట్వేర్ ఇంజినీర్ కాదనే విషయం తెలిసినప్పుడూ... రాజు దొంగగా శ్రీవిష్ణు పట్టుబడినప్పుడు వచ్చే సన్నివేశాలు కడుపుబ్బా నవ్విస్తాయి. ఆ మలుపులు కథని కూడా మరింతగా రక్తికట్టిస్తాయి.
ద్వితీయార్ధం కోసం ఆసక్తిగా ఎదురు చూసేందుకు కారణమవుతాయి. కానీ, ప్రథమార్ధం తరహాలో ద్వితీయార్ధంలోనూ చాలా సన్నివేశాలు నెమ్మదించడం సినిమాకి కాస్త మైనస్. డ్రామాపైనే ఎక్కువగా దృష్టిపెట్టిన దర్శకుడు విరామం తర్వాత భావోద్వేగాలు పండించడంలో తడబడ్డాడు. అయితే, తనికెళ్ల భరణి చెప్పే ప్రవచనాలతో ముడిపెడుతూ కథని నడిపించిన విధానం కూడా ఆకట్టుకుంటుంది. ప్రతీ పాత్ర వెనక రెండో కోణాన్ని ఆవిష్కరించిన తీరు, పతాక సన్నివేశాల్లో అజయ్ ఘోష్ చెప్పే సంభాషణలు చిత్రానికి ప్రధాన ఆకర్షణగా నిలుస్తాయి. సునిశితమైన హాస్యాన్ని, డ్రామాని ఇష్టపడే ప్రేక్షకులకి నచ్చుతుందీ చిత్రం.
ఎవరెలా చేశారంటే: శ్రీవిష్ణు మరోసారి తన నటనతో ఆకట్టుకుంటారు. దొంగగా, సాఫ్ట్వేర్ ఇంజినీర్గా రెండు కోణాల్లో కనిపించిన తీరు, హాస్యం... భావోద్వేగాల్ని పండించిన విధానం చిత్రానికి ప్రధాన బలం. మేఘ ఆకాష్, సునయన పాత్రలు కూడా కథలో కీలకం. మేఘ అందంగా కనిపించమే కాదు, ఆమె అభినయం కూడా ఆకట్టుకుంటుంది. గృహిణి పాత్రలో సునయన, పోలీస్ అధికారి అధికారిగా రవిబాబు ఒదిగిపోయిన తీరు బాగుంది. బలం ఉంటే.. చిన్న పాత్రలైనా బాగా పండుతాయనడానికి ఈ సినిమా ఓ నిదర్శనం. గంగవ్వ, శ్రీకాంత్ అయ్యంగర్, అజయ్ ఘోష్, తనికెళ్ల భరణి తదితరులు పోషించిన చిన్న పాత్రలు, వాళ్ల నటన కూడా ప్రేక్షకులకు గుర్తుండిపోతాయి. సాంకేతికంగా సినిమా ఉన్నతంగా ఉంది. వివేక్ సాగర్ పాటలు, నేపథ్య సంగీతం కథకి ప్రాణం పోసింది. వేద రామన్ కెమెరా పనితనం, విప్లవ్ కూర్పుతో పాటు ఇతర విభాగాలు కూడా చక్కటి పనితీరుని కనబరిచాయి. దర్శకుడిగా కంటే కూడా హసిత్ గోలి తన రచనతో ప్రేక్షకులపై ప్రత్యేకమైన ముద్ర వేస్తాడు. కానీ కొన్ని సన్నివేశాలు సామాన్య ప్రేక్షకుడికి అందనంత స్థాయిలో ఉండటం ఇబ్బంది పెడుతుంది. నిర్మాణ విలువలు ఉన్నతంగా ఉన్నాయి.
బలాలు
+ కథ.. కథనం
+ హాస్యం... సందేశం
+ శ్రీవిష్ణు నటన
బలహీనతలు
- అక్కడక్కడా నెమ్మదిగా సాగే సన్నివేశాలు
- ద్వితీయార్ధం
చివరిగా: రాజ రాజ చోర... ఈ చోరుడు ప్రేక్షకుల మనసు దోచేస్తాడు!
గమనిక: ఈ సమీక్ష సమీక్షకుడి దృష్టి కోణానికి సంబంధించింది. ఇది సమీక్షకుడి వ్యక్తిగత అభిప్రాయం మాత్రమే!
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
మమ్ముట్టితో విభేదాలు.. స్పందించిన ‘ది వారియర్’ దర్శకుడు
మలయాళీ అగ్ర కథానాయకుడు మమ్ముట్టి (Mammootty)తో నెలకొన్న విభేదాలపై కోలీవుడ్ దర్శకుడు లింగుస్వామి (Lingusamy) స్పందించారు. 23 ఏళ్ల క్రితం ఏం జరిగిందో చెప్పారు. -
పాపం చిరంజీవి వస్తున్నారనుకొని...
అప్పట్లో సినిమా నటులంటే ప్రేక్షకులకు విపరీతమైన అభిమానం. ఒకరకంగా తమ అభిమాన కథానాయకుడిని దైవంతో సమానంగా చూసేవారు. ఎదుటివారు దూషించినా, కనీసం చెడుగా మాట్లాడినా పెద్ద పెద్ద గొడవలే జరిగేవి. -
నా కామెంట్ సెక్షన్లో మీ పంచాయితీ ఏంటి?: రీతూవర్మ
‘డార్లింగ్’ అనే పిలుపు విషయంలో నటుడు ప్రియదర్శి, నటి నభానటేశ్ మధ్య బుధవారం సోషల్ మీడియాలో ఆసక్తికర సంభాషణ జరిగిన విషయం తెలిసిందే. ఇందులో ఇప్పుడు నటి రీతూవర్మ భాగమయ్యారు. -
రివ్యూ: పారిజాత పర్వం.. క్రైమ్ కామెడీ థ్రిల్లర్ ఎలా ఉంది?
Paarijatha Parvam Review; చైతన్యరావు, సునీల్, శ్రద్ధాదాస్ కీలక పాత్రల్లో నటించిన క్రైమ్ థ్రిల్లర్ మెప్పించిందా? -
‘టిల్లన్న వచ్చేస్తుండు’.. ఓటీటీలో స్ట్రీమింగ్ ఎప్పుడంటే..?
సిద్ధు జొన్నలగడ్డ - అనుపమ పరమేశ్వరన్ ప్రధాన పాత్రల్లో నటించిన చిత్రం ‘టిల్లు స్క్వేర్’. త్వరలో ఇది ఓటీటీలో విడుదల కానుంది. -
మహేశ్బాబు-రాజమౌళి మూవీ.. వైరల్గా మారిన వీడియో
దర్శకధీరుడు రాజమౌళి (Rajamouli), నటుడు మహేశ్బాబు (Mahesh babu) కాంబినేషన్లో ఓ భారీ ప్రాజెక్ట్ పట్టాలెక్కనున్న విషయం తెలిసిందే. SSMB 29గా ఇది ప్రచారంలో ఉంది. -
ఇక్కడ ప్రభాస్, విష్ణు.. అక్కడ రజనీకాంత్, కమల్ హాసన్: వీరి చిత్రాల స్పెషల్ ఏంటంటే?
ప్రముఖ నటులు కొందరు కలిసి నటిస్తున్న చిత్రాలపై ప్రత్యేక కథనం. ఎవరెవరు ఏయే సినిమాల్లో నటిస్తున్నారంటే? -
నా పని తీరు నిదానమైనా.. నా సినిమాలు బలంగా మాట్లాడతాయి!
సున్నితమైన కథలతో యువతరం మెచ్చేలా సినిమాలు చేయడంలో దర్శకుడు శేఖర్ కమ్ములది అందె వేసిన చేయి. చిత్రసీమలో ఆయన ప్రయాణం మొదలై 25ఏళ్లు పూర్తవుతోంది. -
తరాలుగా తప్పని మహారణంతో... మిరాయ్
‘హను-మాన్’తో సూపర్ హీరో అనిపించుకున్న తేజ సజ్జా... సూపర్ యోధుడిగా తెరపై సందడి చేయనున్నారు. ఆయన కథానాయకుడిగా పీపుల్ మీడియా ఫ్యాక్టరీ పతాకంపై ఓ చిత్రం తెరకెక్కుతోంది. -
బయటి వాళ్లు అర్థం చేసుకోలేరు
చిత్రపరిశ్రమలోని నటీనటుల మధ్య ఉన్న స్నేహాన్ని బయటివాళ్లు ఎప్పటికీ అర్థం చేసుకోలేరని అంటోంది బాలీవుడ్ యువ కథానాయిక అనన్య పాండే. -
చిరంజీవిని కలిసిన మాస్కో బృందం
అగ్ర కథానాయకుడు చిరంజీవితో రష్యాకి చెందిన మాస్కో సాంస్కృతిక మంత్రిత్వ శాఖ ఉన్నత స్థాయి ప్రతినిధి బృందం గురువారం హైదరాబాద్లో సమావేశమైంది. -
కృష్ణ @ బృందావనం
ఆది సాయికుమార్ కథానాయకుడిగా... వీరభద్రమ్ చౌదరి దర్శకత్వంలో తెరకెక్కుతున్న చిత్రం ‘కృష్ణ ఫ్రమ్ బృందావనం’. ‘చుట్టాలబ్బాయ్’ తర్వాత ఆ కలయికలో రూపొందుతున్న చిత్రమిదే. -
మధ్య తరగతి కుటుంబ సంఘర్షణ
రాజా రవీంద్ర ప్రధాన పాత్రధారిగా... సాయిజా క్రియేషన్స్ పతాకంపై తెరకెక్కుతున్న చిత్రం ‘సారంగదరియా’. పద్మారావు అబ్బిశెట్టి దర్శకుడిగా పరిచయం అవుతున్నారు. -
వీలైతే ఒకసారి వీళ్లపై తీసిన సినిమాలు చూడండి: పూరి జగన్నాథ్
‘పూరి మ్యూజింగ్స్’ పేరుతో పూరి జగన్నాథ్ మరో స్పెషల్ వీడియోను పంచుకున్నారు. అమిష్ పీపుల్ గురించి ఆసక్తికర విషయాలు చెప్పారు. -
‘అప్పుడు రూ.లక్ష కోట్ల అవినీతి.. ఇప్పుడు ఇంకా..’: శేఖర్ కమ్ముల
గతంలో తాను తెరకెక్కించిన ‘హ్యాపీడేస్’ రీ రిలీజ్ సందర్భంగా దర్శకుడు శేఖర్ కమ్ముల మీడియాతో మాట్లాడారు. -
దిగంగన కొత్త కబురు.. కేతికా రీడింగ్.. అదా టూర్
సినీ తారలు సోషల్ మీడియా వేదికగా అభిమానులతో పంచుకున్న విశేషాలివీ..
తాజా వార్తలు (Latest News)
-
సిద్దిపేటలో సెర్ప్ ఉద్యోగుల సస్పెన్షన్పై హైకోర్టు స్టే
-
తొలి విడత పోలింగ్.. కొన్ని రాష్ట్రాల్లో ఉద్రిక్తతలు..!
-
చంద్రబాబు తరఫున నామినేషన్ వేసిన నారా భువనేశ్వరి
-
మమ్ముట్టితో విభేదాలు.. స్పందించిన ‘ది వారియర్’ దర్శకుడు
-
ట్రెక్కింగ్ చేస్తూ జారిపడి.. స్కాట్లాండ్లో ఇద్దరు తెలుగు విద్యార్థుల మృతి
-
మీ ప్రాంతంలో బ్రాడ్బ్యాండ్ సేవలందించే సంస్థలేవో ఎలా తెలుసుకోవాలి?