Puneet Rajkumar: ఇలా బతకాలి అనిపించిన నటుడు.. ‘శ్రీదేవి డ్రామా కంపెనీ’లో పునీత్‌కి నివాళి!

ఇంటర్నెట్‌ డెస్క్‌: ‘ఈటీవీ’ వేదికగా ప్రతి ఆదివారం ప్రేక్షకులకు వినోదం పంచే కార్యక్రమం ‘శ్రీదేవి డ్రామా కంపెనీ’. సుధీర్‌ వ్యాఖ్యాతగా వ్యవహరిస్తోన్న ఈ షోలో కన్నడ నటుడు దివంగత పునీత్‌ రాజ్‌కుమార్‌కు నివాళులర్పించారు. సమాజానికి ఆయన చేసిన సేవల్ని గుర్తుచేస్తూ ఓ కంటెస్టెంట్‌ అభినయించి హృదయాల్ని హత్తుకున్నారు. ‘దేవుడు చేయాల్సిన పనులన్నీ పునీత్‌ చేశారు. అందుకే.. నువ్వు భూమిపై ఏం చేస్తావ్‌? నా పక్కన కూర్చో అని ఆ దేవుడే ఆయన్ను తీసుకెళ్లాడేమో!’ అని ఇంద్రజ, ‘బతికితే ఇలా బతకాలిరా అని ప్రతి ఒక్కరూ అనుకునేలా చేసిన ఏకైక స్టార్‌ ’ అని ఆది.. పునీత్‌ రాజ్‌కుమార్‌ని కొనియాడారు. ‘ఆదివారం ఆడవాళ్లకు సెలవు’ పేరుతో రూపొందించిన ప్రత్యేక ఎపిసోడ్‌లో పునీత్‌ని స్మరించుకున్నారు. ఈనెల 21 ప్రసారంకానున్న ఈ ఎపిసోడ్‌ ప్రోమో విడుదలైంది. ఇందులో పునీత్‌కి నివాళులర్పించిన దృశ్యాలతోపాటు ‘ఇండియన్‌ ఐడల్‌ సీజన్‌-12’ ఫేం షణ్ముఖ ప్రియ సింగింగ్‌ పెర్ఫామెన్స్‌, నటుడు రాజ్‌ తరుణ్‌ కామెడీ సన్నివేశాలు కనిపించాయి. మరి ఆడవాళ్లు కోరుకున్నట్టు వారికి ఆదివారం సెలవు లభించిందా? ఇంతకీ వారు సెలవు ఎవరిని అడిగారు? తెలియాలంటే కొన్ని రోజులు ఆగాల్సిందే. 

► Read latest Cinema News and Telugu News