Srikanth: నాకు ఆ నమ్మకాన్నిచ్చింది ‘అఖండ’
వందకిపైగా సినిమాలు చేసిన కథానాయకుడు శ్రీకాంత్. ప్రతినాయకుడిగా పరిశ్రమకి పరిచయమైన ఆయన, ఆ తర్వాత కథానాయకుడిగా విజయవంతమయ్యారు. ఇప్పుడు మళ్లీ ప్రతినాయకుడి అవతారం ఎత్తారు. ‘అఖండ’లో బాలకృష్ణని ఢీ కొడుతున్నారు. బోయపాటి శ్రీను దర్శకత్వంలో
వందకిపైగా సినిమాలు చేసిన కథానాయకుడు శ్రీకాంత్. ప్రతినాయకుడిగా పరిశ్రమకి పరిచయమైన ఆయన, ఆ తర్వాత కథానాయకుడిగా విజయవంతమయ్యారు. ఇప్పుడు మళ్లీ ప్రతినాయకుడి అవతారం ఎత్తారు. ‘అఖండ’లో బాలకృష్ణని ఢీ కొడుతున్నారు. బోయపాటి శ్రీను దర్శకత్వంలో తెరకెక్కిన ఈ చిత్రం డిసెంబర్ 2న ప్రేక్షకుల ముందుకొస్తోంది. ఈ సందర్భంగా శ్రీకాంత్ గురువారం హైదరాబాద్లో విలేకర్లతో ముచ్చటించారు.
‘అఖండ’ కోసం మీ ఎంపిక ఎలా జరిగింది?
నేను విలన్గానే పరిశ్రమకి పరిచయమయ్యా. ఆ తర్వాత హీరోగా మారా. మధ్యలో ‘యుద్ధ శరణం’లో మళ్లీ విలన్గా చేశా. దానికి ముందే బోయపాటి శ్రీను దర్శకత్వంలో ‘సరైనోడు’ చేశా. బాబాయ్గా సున్నితమైన పాత్రే అది. అప్పుడే ‘నువ్వు ఏది పడితే అది చేయొద్దు భయ్యా. ఈసారి నీ కోసం విలన్గా ఓ మంచి పాత్ర రాస్తా, చేస్తావా?’ అని అడిగారు. ఆ పాత్రల నుంచి వచ్చినవాణ్నే కదా, చేస్తా అని చెప్పా. ఆ తర్వాత మళ్లీ నావైన సినిమాల్ని, వెబ్సిరీస్ల్ని చేస్తూ వచ్చా. ఒక రోజు బోయపాటి ఫోన్ చేసి ‘అఖండ’లో ప్రతినాయకుడి పాత్ర గురించి చెప్పారు.
బాలకృష్ణని ఢీ కొట్టే విలన్ పాత్ర అని తెలిసినప్పుడు మీకేం అనిపించింది?
విలన్గా చేయడం వేరు, బాలకృష్ణ సినిమాలో విలన్గా చేయడం వేరు. చాలా శక్తిమంతంగా ఉంటాయి ఆ పాత్రలు. అందుకే నేను చేసిన వరద రాజులు పాత్ర గురించి చెప్పినప్పుడు భయపడ్డా. ఆ సంభాషణలు విని నేను చేయగలనా అని ఆలోచించా. ఏమాత్రం తక్కువ చేసినట్టు అనిపించినా నటుడిగా నాకు చెడ్డ పేరు వస్తుంది. అయితే ముందు గెటప్ ఎలా ఉంటుందో చూద్దాం అనుకున్నా. రకరకాల ప్రయత్నాలు చేశాక ఓ గెటప్పై సంతృప్తి కలిగింది. ఆ గెటప్లో నన్ను నేను చూసుకున్నాక ఇది నేనేనా అని ఆశ్చర్యపోయా. అంత కొత్తగా అనిపించింది. ట్రైలర్ విడుదల తర్వాత నా పాత్ర గురించి చాలామంది ఫోన్లు చేశారు. మరి ప్రేక్షకులు ఎలా స్వీకరిస్తారనేది చూడాలి. కుటుంబ కథానాయకుడిగా పేరున్న నన్ను చూసి ‘ఎందుకు ఇలాంటివని మహిళలేమైనా తిడతారా?’ అనేది విడుదల తర్వాత తెలుస్తుంది. ఇందులో కచ్చితంగా భిన్నమైన శ్రీకాంత్ కనిపిస్తారు. ఇలాంటి పాత్రల్ని ధైర్యంగా చేయొచ్చనే ఓ నమ్మకం నాలో కలిగింది. ‘అఖండ’ హై ఓల్టేజ్ సినిమా. బాలకృష్ణ - బోయపాటి కలయిక అంటేనే ప్రతి ఒక్కరి నుంచీ అంచనాలు ఉంటాయి. ముఖ్యంగా డైలాగులు విన్నప్పుడు సెట్లో అక్కడికక్కడే చప్పట్లు కొట్టిన సందర్భాలు చాలానే.
బాలకృష్ణతో కలిసి నటించిన అనుభవాల్ని పంచుకుంటారా?
ఆయనతో ఇది నాకు రెండో సినిమా. ఇదివరకు ‘శ్రీరామరాజ్యం’లో లక్ష్మణుడిగా చేశా. ఇప్పుడేమో రాముడి పక్కన రావణాసురుడి తరహా పాత్ర చేశా (నవ్వుతూ). సంభాషణల కోసం డబ్బింగ్ చెప్పుకొనేటప్పుడు నా గొంతుని కొంచెం మార్చి పలికా. బాలకృష్ణ చాలా ప్రోత్సాహం అందించారు. ‘శ్రీకాంత్ పాత్ర బలంగా ఉండాలి. అప్పుడే నా పాత్ర పండుతుంద’ని చెప్పేవారు. బాలకృష్ణతో కలిసి మేమంతా క్రికెట్ ఆడేవాళ్లం. అప్పట్నుంచి ఆయనతో మంచి అనుబంధం ఉంది. సెట్లో కూడా ‘ఈ సినిమా తర్వాత భయంకరమైన పాత్రలు చాలానే వస్తాయి, ఒప్పుకోవద్దు. హీరోగా మంచి కథలు ఉన్నాయి, నేను చెబుతా నీకు’ అనేవారు. ఈ సినిమా కోసం మేం చాలా కష్టపడ్డాం. గనుల్లో ఓ పోరాట ఘట్టం కోసం తొమ్మిది రోజులు చిత్రీకరణ చేశాం. లెన్స్ పెట్టుకుని, ఆ మట్టిలో చేసిన ఆ సన్నివేశాల కోసం కష్టపడుతుంటే హీరోగానే బెటరేమో అనే పరిస్థితికి వచ్చా (నవ్వుతూ).
‘‘జీవితాన్ని ఆస్వాదించడం నేర్చుకుంటే అదే మనల్ని ముందుకు తీసుకెళుతుంది. హీరోగానే చేస్తాననే పట్టుదలతో నేనెప్పుడూ లేను. కథానాయకుడిగా బాగా బిజీగా ఉన్న సమయంలోనూ ‘సంక్రాంతి’, ‘శంకర్దాదా ఎంబీబీఎస్’ సినిమాల్లో కీలక పాత్రలు చేశా. వెబ్ సిరీస్లూ చేస్తున్నా. ఖాళీగా ఉంటే నాకు చిరాకు. హీరోగానే ఆసక్తి ఎక్కువ కానీ, పాత్రలు నచ్చితే మాత్రం వదిలిపెట్టను. అది నాకొక సరదా. కన్నడలో పునీత్ రాజ్కుమార్ సినిమాలోనూ విలన్గా చేశా. అది ఆయన పుట్టినరోజు సందర్భంగా విడుదలవుతుంది’’.
‘లెజెండ్’ తర్వాత జగపతిబాబు సినీ ప్రయాణం మరో మలుపు తీసుకుంది. దీని తర్వాత మీకూ అలాంటి గుర్తింపు వస్తుందేమో కదా...?
ఇది చేస్తే అలా అవుతామనే లెక్కలంటూ ఏమీ ఉండవు నాకు. మనం అనుక్నుది చేసుకుంటూ వెళ్లిపోవడమే. నేను అనుకుంటే జరగదు ఏదీ. జగపతిబాబు కెరీర్కి ‘లెజెండ్’ మలుపునిచ్చిందన్న మాట నిజమే. నావరకు నేను నిర్ణయించుకుంది ఏమిటంటే.. అందమైన పాత్ర అనుకుంటే ఏదైనా చేద్దామనేదే నా ముందున్న లక్ష్యం.
బాలయ్యతో కలిసి అల్లు అర్జున్
‘అఖండ’ ముందస్తు విడుదల వేడుకకి కథానాయకుడు అల్లు అర్జున్ హాజరవుతున్నారు. ఈ నెల 27న హైదరాబాద్లో వేడుక జరగనున్న సంగతి తెలిసిందే. బాలకృష్ణ, అల్లు అర్జున్ కలిసి వేదికపై సందడి
చేయనున్నారు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
అలాంటి చిత్రాల్లో ఇదీ ఒకటి.. ఫహాద్ ఫాజిల్ ‘ఆవేశం’కు సమంత రివ్యూ
మలయాళ హీరో ఫహాద్ ఫాజిల్ ‘ఆవేశం’ చిత్రానికి సమంత రివ్యూ ఇచ్చారు. -
‘మంజుమ్మల్ బాయ్స్’ నిర్మాతలపై చీటింగ్ కేసు
‘మంజుమ్మల్ బాయ్స్’(Manjummel Boys)తో విజయాన్ని అందుకున్నారు నిర్మాతలు సౌబిన్ షాహిర్, బాబు షాహిర్, షాన్ ఆంటోనీ. తాజాగా వారిపై కేసు నమోదు అయ్యింది. -
విజయ్తో సినిమా కష్టమే..: వెట్రిమారన్
విజయ్ (Vijay)తో సినిమాపై దర్శకుడు వెట్రిమారన్ (VetriMaaran) క్లారిటీ ఇచ్చారు. గతంలో తాను ఆయనకు కథ చెప్పిన విషయం నిజమేనన్నారు. -
రామానాయుడి ఔదార్యం!
సురేష్ ప్రొడక్షన్స్ బ్యానర్పై ఎన్నో విజయవంతమైన చిత్రాలు తీసి, మూవీ మొఘల్ అనిపించుకున్నారు దివంగత నిర్మాత డి.రామానాయుడు. -
‘‘వాళ్లింట్లో వ్యక్తులను ఇలాగే కామెంట్ చేస్తే..’’: నెటిజన్పై బిగ్బాస్ నటి ఆగ్రహం
తనపై అసభ్యకర కామెంట్ చేసిన వ్యక్తిని ఉద్దేశించి నటి, బిగ్బాస్ 5 ఫేమ్ శ్వేతా వర్మ (Swetha Varma) ఆగ్రహం వ్యక్తం చేశారు. -
విజయ్ దేవరకొండ - ప్రశాంత్ నీల్ మీట్.. ఆ హిట్ ప్రాజెక్ట్ కోసమేనా..?
నటుడు విజయ్ దేవరకొండ (Vijay Deverakonda), దర్శకుడు ప్రశాంత్ నీల్ (Prasanth Neel) తాజాగా కలిశారు. దీంతో వీరిద్దరి కాంబోలో సినిమా రానుందంటూ వార్తలు చక్కర్లు కొడుతున్నాయి. -
వేడుకగా ‘ఆదికేశవ’ నటి వివాహం.. ఫొటో వైరల్
‘ఆదికేశవ’ నటి అపర్ణాదాస్, ‘మంజుమ్మెల్ బాయ్స్’ నటుడు దీపక్ పరంబోల్ వైవాహిక బంధంలోకి అడుగుపెట్టారు. -
యువతరం.. వైవిధ్యమే తొలి విజయం: స్టార్ నటులు మెచ్చిన యంగ్ హీరోలెవరంటే?
విభిన్న కథలను ఎంపిక చేసుకుంటూ విజయాన్ని అందుకుంటున్న యంగ్ హీరోలపై ప్రత్యేక కథనం.. -
ప్రేమలో పడ్డారు.. లవ్ స్టోరీతో..
ఒకప్పుడు మన సినిమాల్లో ప్రేమకథలదే జోరు. అగ్ర తారలు సైతం ప్రేమ లేఖలు రాస్తూ... ప్రేమ పాటలు పాడుకుంటూ తెరపై కనిపించేవాళ్లు. ఆ తర్వాత యువ హీరోలకే ఆ కథలు పరిమితం అయ్యాయి -
500మంది డ్యాన్సర్లతో వెల్కమ్ ఆటాపాటా
బాలీవుడ్లోని ప్రముఖ నటీనటులందరినీ ఏకం చేసి కొత్త తరహా కాన్సెప్ట్తో ప్రేక్షకులను అలరించడానికి రాబోతున్న చిత్రం ‘వెల్కమ్ టు ది జంగిల్’. అగ్రకథానాయకుడు అక్షయ్ కుమార్ ప్రధాన పాత్రలో నటిస్తున్నారు. -
‘హను-మాన్’ విజయం ప్రేక్షకుల బహుమానం
‘‘నా చిన్నప్పుడు చూసిన వంద రోజుల సినిమా వేడుకలు బాగా గుర్తున్నాయి. కానీ దర్శకుడినయ్యాక సినిమాల ప్రదర్శనలు ఒక వారానికి పరిమితం అయ్యాయి. -
గోద్రా రైలులోని రహస్యాలు బయటపడేది ఆ రోజే
గోద్రా రైలు దహనకాండ ఆధారంగా రూపొందుతున్న చిత్రం ‘ది సబర్మతీ రిపోర్ట్’. బాలీవుడ్ కథానాయకుడు విక్రాంత్ మాస్సే, రాశీ ఖన్నా జంటగా నటిస్తున్నారు. -
సందీప్ కిషన్ చిత్రం ప్రారంభం
ముప్పై సినిమాల మైలురాయిని చేరుకున్నారు సందీప్కిషన్. ఆయన కథానాయకుడిగా ఏకే ఎంటర్టైన్మెంట్స్తో కలిసి హాస్య మూవీస్ ఓ చిత్రాన్ని రూపొందిస్తోంది. -
నా జీవితంలో ఇదే రిస్కీ సినిమా
‘క్రూ’.. ఇటీవలే విడుదలైన ఈ సినిమాతో మంచి విజయాన్ని తన ఖాతాలో వేసుకుంది బాలీవుడ్ భామ కృతిసనన్. ఇందులో ఎయిర్హోస్టెస్ పాత్రలో కనిపించి సినీప్రియుల్ని మెప్పించింది. -
‘శ్రీకాంత్’ కోసం ఆమిర్ గీతం
మరికొద్ది రోజుల్లో ‘శ్రీకాంత్’ సినిమాతో ప్రేక్షకుల్ని పలకరించడానికి సిద్ధమవుతున్నాడు బాలీవుడ్ కథానాయకుడు రాజ్కుమార్ రావ్. తుషార్ హీరానందాని తెరకెక్కిస్తున్నారు. -
మోహన్లాల్ 360 షురూ
ప్రయోగాత్మక కథలు, భిన్నమైన పాత్రలు ఎంచుకుంటూ సినీప్రియుల్ని మెప్పించే మోహన్లాల్.. ప్రధాన పాత్రలో నటిస్తున్న చిత్రం ‘ఎల్360’ (వర్కింగ్ టైటిల్). తరుణ్ మూర్తి తెరకెక్కిస్తున్నారు. -
బెంగాలీ అమ్మాయి.. నాన్న కొట్టిన చెంప దెబ్బ.. ఇవే ఆలోచనలు: పూరి జగన్నాథ్
పూరి మ్యూజింగ్స్లో ‘ది డెవిల్’ అంటూ ఆలోచనల గురించి మాట్లాడారు పూరి జగన్నాథ్ -
కియారా ‘టీ’ ముచ్చట.. సోనాల్ బ్రేక్ఫాస్ట్ సంగతులు
సినీ తారలు సోషల్ మీడియా వేదికగా అభిమానులతో పంచుకున్న విశేషాలివీ..
తాజా వార్తలు (Latest News)
-
ఎన్నికలను మేం నియంత్రించలేం: ‘వీవీప్యాట్’ కేసులో సుప్రీం కీలక వ్యాఖ్యలు
-
జగన్పై రాయిదాడి కేసు.. సతీష్ కస్టడీకి కోర్టు అనుమతి
-
హార్దిక్.. ముందు నీ ఆటపై దృష్టిపెట్టు: వీరేంద్ర సెహ్వాగ్
-
అలాంటి చిత్రాల్లో ఇదీ ఒకటి.. ఫహాద్ ఫాజిల్ ‘ఆవేశం’కు సమంత రివ్యూ
-
5,000mAh బ్యాటరీ.. 50MP కెమెరాతో నార్జో సిరీస్లో కొత్త ఫోన్లు
-
ఇప్పటికీ సరైన కూర్పు కోసం ప్రయత్నిస్తున్నాం: స్టీఫెన్ ఫ్లెమింగ్