Arjuna phalguna: ‘అర్జున ఫల్గుణ’.. విడుదల ఖరారు

శ్రీవిష్ణు కథానాయకుడిగా తేజ మర్ని తెరకెక్కించిన చిత్రం ‘అర్జున ఫల్గుణ’. నిరంజన్‌ రెడ్డి, అన్వేష్‌ రెడ్డి సంయుక్తంగా నిర్మించారు. అమృతా అయ్యర్‌ కథా నాయిక. ఈ సినిమా నూతన సంవత్సరం సందర్భంగా డిసెంబర్‌ 31న ప్రేక్షకుల ముందుకు రానుంది. ఈ విషయాన్ని చిత్ర బృందం గురువారం అధికారికంగా ప్రకటించింది. ‘‘శ్రీవిష్ణు శైలికి తగ్గ వైవిధ్యభరితమైన కథాంశంతో ఈ సినిమా రూపొందించాం. పసందైన వినోదాన్ని పంచిస్తుంది. కచ్చితంగా అన్ని వర్గాల  ప్రేక్షకుల్ని ఆకట్టుకుంటుంది. త్వరలో మిగిలిన పాటలు, ట్రైలర్‌ విడుదల చేస్తాం’’ అని దర్శక నిర్మాతలు తెలియజేశారు. ఈ సినిమాలో నరేష్‌, శివాజీ రాజా, దేవీ ప్రసాద్‌ తదితరులు కీలక పాత్రలు పోషించారు. ప్రియదర్శన్‌ బాలసుబ్రహ్మణ్యన్‌ స్వరాలందించారు. జగదీష్‌ చీకటి ఛాయాగ్రాహకుడిగా వ్యవహరించారు.