Skylab: రిపోర్టర్‌గా మారిన సుమ.. సత్య, నిత్యలతో ‘స్పైసీ న్యూస్‌’! 

ఇంటర్నెట్‌ డెస్క్‌: నిత్యామేనన్‌, సత్యదేవ్‌, రాహుల్‌ రామకృష్ణ ప్రధాన పాత్రల్లో రూపొందిన చిత్రం ‘స్కైలాబ్‌’. విశ్వక్‌ ఖండేరావు దర్శకత్వం వహించారు. పృథ్వీ పిన్నమరాజుతోపాటు నిత్యా మేనన్‌ ఈ చిత్రాన్ని నిర్మించారు. బండ లింగంపల్లిపై ‘స్కైలాబ్‌’ అనే అంతరిక్ష నౌక పడుతుందనే విషయం తెలిశాక ఏం జరిగింది? అక్కడ ఉండేవారి జీవితాలు ఎలాంటి మలుపు తీసుకున్నాయి? అనే కథాంశంతో ఈ చిత్రం డిసెంబర్‌ 4న ఇది ప్రేక్షకుల ముందుకు రానుంది. ఈ సందర్భంగా వ్యాఖ్యాత సుమ రిపోర్టర్‌గా మారి సత్య, నిత్యలతో సందడి చేశారు. ‘స్పైసీ న్యూస్‌’ పేరుతో ఎన్నో నవ్వుల్ని పంచారు.

* ఈ సినిమాని మీరు చూశారా?

సత్య: మా దర్శకుడు ఈ సినిమాని ప్రేక్షకులకు తప్ప మాకు చూపించనన్నారు.

* ఏ సినిమా తర్వాత మీ రెమ్యునరేషన్‌ పెంచారు?

నిత్య: నేనెప్పుడూ రెమ్యునరేషన్‌ పెంచలేదు. ‘నువ్వు తీసుకునేది ఇంతేనా. ఎక్కువ అగడవచ్చు కదా’ అని నాకు చాలామంది చెప్పారు. కానీ, నేను దాని గురించి ఆలోచించలేదు.

సత్య: ఇప్పటి వరకూ పెంచలేదు. ‘స్కైలాబ్‌’ తర్వాత పెంచాలనుకుంటున్నా.

* మీరు పోషించిన పాత్రల్లో మీకు నచ్చనిది?

సత్య: నచ్చనవి అంటూ ఏంలేవు. అన్నీ నాకు ఇష్టమైన పాత్రలే.

నిత్య: చాలా ఉన్నాయి. కానీ, చెప్పను.

* టెన్షన్‌లో ఉన్నప్పుడు మీరేం పనులు చేస్తుంటారు?

నిత్య: నేను టెన్షన్‌లో ఉన్నప్పుడు నా చేతిగోళ్లు కొరుకుతా.

సత్య: ఒత్తిడిని తగ్గించుకునేందుకు నేను ఎక్కువగా తింటుంటా.

* నటన, నిర్మాణ బాధ్యతలు ఈ రెండిటిలో ఏది తేలిక అనిపించింది?

నిత్య: నటన.. క్రియేటివ్‌ జాబ్‌. స్వతహాగా నేను క్రియేటివ్‌ పర్సన్‌ని కాబట్టి నటించటం తేలికనిపిస్తుంటుంది. నిర్మాత అంటే ఎన్నో వ్యవహారాల్ని చూసుకోవాలి. అది చాలా కష్టం.

► Read latest Cinema News and Telugu News