Tees Maar Khan: ‘తీస్‌ మార్‌ ఖాన్‌’ ఆటపాట

ఆది సాయికుమార్‌, పాయల్‌ రాజ్‌పూత్‌ జంటగా నటిస్తున్న చిత్రం ‘తీస్‌ మార్‌ ఖాన్‌’. కల్యాణ్‌ జి గోగణ తెరకెక్కిస్తున్నారు. నాగం తిరుపతి రెడ్డి నిర్మాత. ఈ చిత్ర ఫస్ట్‌లుక్‌ను   ఇటీవల విడుదల చేశారు. ఈ పోస్టర్‌లో ఆది, పాయల్‌ సముద్ర తీరంలో కూర్చొని.. ఒకరినొకరు చూసుకుంటూ రొమాంటిక్‌గా కనిపించారు. ‘‘యాక్షన్‌ ప్రాధాన్యమున్న కథతో రూపొందుతోన్న చిత్రమిది. ప్రస్తుతం గోవాలో చిత్రీకరణ జరుగుతోంది. ఇందులో భాగంగా నాయకానాయికలపై ఓ రొమాంటిక్‌ గీతం తెరకెక్కిస్తున్నాం. ఈ సినిమాలో పాయల్‌, ఆది చాలా కొత్తగా కనిపిస్తారు’’ అని దర్శక నిర్మాతలు తెలియజేశారు. సంగీతం: సాయి కార్తీక్‌, ఛాయాగ్రహణం: బాల్‌ రెడ్డి.