Thank You: థియేటర్లలోనే ‘థ్యాంక్‌ యూ’

ఇటీవలే ‘లవ్‌స్టోరి’తో మెప్పించారు నాగ  చైతన్య. ఇప్పుడాయన నుంచి రానున్న చిత్రం ‘థ్యాంక్‌ యూ’. శ్రీ వెంకటేశ్వర క్రియేషన్స్‌ పతాకంపై దిల్‌రాజు-శిరీష్‌ నిర్మిస్తున్నారు. విక్రమ్‌ కె.కుమార్‌ దర్శకత్వం వహిస్తున్న ఈ సినిమాలో రాశిఖన్నా, అవికా గోర్‌ కథానాయికలు. త్వరలోనే దీన్ని థియేటర్లలోనే విడుదల చేస్తామని  నిర్మాతలు ప్రకటించారు. ‘‘నిర్మాణానంతర పనులు వేగంగా జరుగుతున్నాయి. సినిమా చాలా బాగా వచ్చింది. మంచి సమయం చూసి చిత్రాన్ని థియేటర్ల ద్వారా ప్రేక్షకుల ముందు ఉంచుతాం. విడుదల తేదీ త్వరలోనే ప్రకటిస్తామ’న్నారు. ఇటీవల విడుదలైన నాగచైతన్య లుక్‌ సామాజిక మాధ్యమాల్లో అభిమానులను ఆకట్టుకుంటోంది. హిందీలో ఆమిర్‌ఖాన్‌ ‘లాల్‌సింగ్‌ ఛద్దా’, తెలుగులో ‘బంగార్రాజు’ చిత్రాల్లో నాగచైతన్య నటిస్తున్నారు.