Published : 08/12/2021 13:32 IST

Thank You: రిలీజ్‌ డేట్‌పై టీమ్‌ క్లారిటీ

హైదరాబాద్‌: అక్కినేని నాగచైతన్య కథానాయకుడిగా నటిస్తున్న చిత్రం ‘థ్యాంక్యూ’. విక్రమ్‌ కె.కుమార్‌ దర్శకత్వం వహిస్తోన్న ఈ సినిమా విడుదలపై గత కొన్నిరోజుల నుంచి నెట్టింట్లో వార్తలు చక్కర్లు కొడుతున్నాయి. త్వరలోనే ఈ చిత్రాన్ని ఓటీటీ ఫ్లాట్‌ఫామ్‌ వేదికగా విడుదల చేయనున్నారని అందరూ చెప్పుకొంటున్నారు. ఈ నేపథ్యంలో ఆ వార్తలన్నింటికీ చెక్‌ పెడుతూ చిత్రబృందం బుధవారం అధికారిక ప్రకటన విడుదల చేసింది. ఈ చిత్రాన్ని థియేటర్‌లోనే విడుదల చేయనున్నామని తెలిపింది. ‘‘థ్యాంక్యూ సినిమా నిర్మాణం చివరి దశలో ఉంది. వెండితెరపైనే మా చిత్రాన్ని చూపించాలని అంకితభావంతో దీన్ని నిర్మిస్తున్నాం. సరైన సమయంలో థ్యాంక్యూ చిత్రాన్ని థియేటర్లలోనే విడుదల చేస్తాం’’ అని చిత్రబృందం ప్రకటించింది. విభిన్నమైన ప్రేమకథా చిత్రంగా ఈ సినిమా రూపుదిద్దుకుంటోంది. ఇందులో చైతన్యకు జంటగా రాశీఖన్నా సందడి చేయనున్నారు. తమన్‌ స్వరాలు అందిస్తున్నారు. శ్రీ వేంకటేశ్వర క్రియేషన్స్‌ పతాకంపై దిల్‌ రాజు ఈ చిత్రాన్ని నిర్మిస్తున్నారు.

Read latest Movies News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని

జనరల్

మరిన్ని