Anubhavinchu raja: బతికేయ్‌ హాయిగా..

రాజ్‌ తరుణ్‌, కశిష్‌ ఖాన్‌ జంటగా శ్రీను గవిరెడ్డి తెరకెక్కించిన చిత్రం ‘అనుభవించు రాజా’. సుప్రియ యార్లగడ్డ నిర్మాత. ఈ సినిమా ఈనెల 26న ప్రేక్షకుల ముందుకు రానుంది. ఈ నేపథ్యంలోనే ఆదివారం మూడో లిరికల్‌ గీతాన్ని విడుదల చేశారు. ‘‘బతికేయ్‌ హాయిగా’’ అంటూ సాగే ఈ పాటకు గోపీసుందర్‌ స్వరాలు సమకూర్చగా.. భాస్కర భట్ల సాహిత్యం అందించారు. దీపు ఆలపించారు. వినోదాత్మక కథాంశంతో రూపొందిన చిత్రమిది. యువతరంతో పాటు అన్ని వర్గాల ప్రేక్షకులకు నచ్చేలా ఉంటుంది. ఈ చిత్రానికి కూర్పు: ఛోటా కె ప్రసాద్‌, ఛాయాగ్రహణం: నగేష్‌ బానెల్‌.