Tollywood Drugs Case: 5 గంటలుగా కొనసాగుతున్న నవదీప్‌ ఈడీ విచారణ

హైదరాబాద్‌: టాలీవుడ్‌ మాదకద్రవ్యాల కేసు విచారణలో భాగంగా నటుడు నవదీప్‌ ఎన్‌ఫోర్స్‌మెంట్‌ డైరెక్టరేట్‌ (ఈడీ) ఎదుట ఈరోజు ఉదయం హాజరైన సంగతి తెలిసిందే. సుమారు ఐదు గంటల నుంచి ఈడీ అధికారులు నవదీప్‌ని ప్రశ్నిస్తున్నారు. నవదీప్‌తోపాటు ఎఫ్ క్లబ్‌ జి.ఎం. విక్రమ్‌నీ ఆరా తీస్తున్నారు. ముఖ్యంగా మనీ లాండరింగ్‌ కోణంలో అనుమానాస్పద లావాదేవాలపై విచారణ కొనసాగిస్తున్నారు. నవదీప్‌ బ్యాంకు ఖాతా నుంచి డ్రగ్స్‌ సరఫరాదారు కెల్విన్‌ ఖాతాకి నగదు బదిలీ అయిందా, లేదా? అని పరిశీలిస్తున్నారు. డ్రగ్స్‌ కేసులో మనీ లాండరింగ్ చట్టం కింద సినీరంగానికి చెందిన 12 మందికి ఈడీ ఇటీవల నోటీసులు జారీ చేసింది. ఇందులో భాగంగానే నవదీప్‌ విచారణకి హాజరయ్యారు. ఇప్పటికే ఈడీ అధికారులు దర్శకుడు పూరీ జగన్నాథ్‌, ఛార్మి, నందు, రకుల్‌ప్రీత్‌ సింగ్‌, రాణా, రవితేజ నుంచి వివరాల్ని సేకరించారు.