Bullet Bandi: బుల్లెట్‌ బండి.. సోషల్‌మీడియాలో యమా ట్రెండీ!

‘బుల్లెట్టు బండి’కి ఫాలోయింగ్‌ మామూలుగా లేదు

ఇంటర్నెట్‌డెస్క్‌: శ్రావణమాసంలో పెళ్లిళ్లతోపాటు ‘బుల్లెట్టు బండి’ ట్రెండ్‌ కూడా నడుస్తోంది. ఇంట్లో పెళ్లి పనులు ప్రారంభించినప్పటి నుంచి బరాత్‌ అయ్యే వరకూ ఎక్కడ చూసినా ‘డుగ్గు డుగ్గు’ అంటూ ఒకటే మ్యూజిక్‌ వినిపిస్తోంది. ఈ పాటను మోహనభోగరాజు ఆలపించినప్పటికీ.. ఇటీవల బరాత్‌లో నవవధువు సాయి చేసిన డ్యాన్స్‌తో దీనికి విపరీతమైన ఫాలోయింగ్‌ పెరిగిందనడంలో ఎలాంటి అనుమానం లేదు. దీంతో ఈ పాటకు ఆఫ్‌లైన్‌లోనే కాదు ఆన్‌లైన్‌లోనూ అంతకంతకు క్రేజ్‌ పెరుగుతోంది. పెళ్లి వేడుకల్లోనే కాకుండా పాఠశాల గదుల్లో, ఆస్పత్రి వార్డుల్లోనూ ఇదే ట్రెండ్‌ కొనసాగుతోంది. అయితే, ఓవైపు ‘బుల్లెట్టు బండి’ వీడియోలతో పెళ్లికూతుళ్లు, యువతీయువకులు అలరిస్తుంటే మరోవైపు ఆ పాట గురించి నెట్టింట్లో కొన్ని ఫన్నీ మీమ్స్‌, కార్టూన్స్ అందర్నీ ఎంతగానో ఆకర్షిస్తున్నాయి. అలా, ఆకట్టుకున్న వీడియోలతోపాటు మీమ్స్‌పై ఓ లుక్కేయండి..!