Uniki: ‘ఉనికి’ చాటిందా?

ఆశిష్‌గాంధీ కథానాయకుడిగా ఎవర్‌గ్రీన్‌ ఎంటర్‌టైన్‌మెంట్స్‌ పతాకంపై తెరకెక్కుతున్న చిత్రం ‘ఉనికి’. చిత్రశుక్లా  కథానాయిక. రాజ్‌కుమార్‌ బాబీ దర్శకత్వం వహిస్తున్నారు. బాబీ ఏడిద, రాజేష్‌ బొబ్బూరి నిర్మాతలు. గణతంత్ర దినోత్సవం సందర్భంగా జనవరి 26న సినిమా ప్రేక్షకుల ముందుకు రానుంది. నిర్మాతలు మాట్లాడుతూ ‘‘ఒక మధ్య తరగతి కుటుంబంలో పుట్టిన ఓ యువతి కష్టపడి చదివి కలెక్టర్‌ అవుతుంది. సమాజానికి మంచి చేయాలనుకున్న ఆమెకి ఎటువంటి పరిస్థితులు ఎదురయ్యాయి? వాటిని ఎలా అధిగమించి తన ‘ఉనికి’ని చాటుకుందనేది తెరపైనే చూడాలి. థ్రిల్లర్‌ డ్రామాగా రూపొందిన ఈ చిత్రం అన్ని వర్గాల ప్రేక్షకుల్ని అలరించేలా ఉంటుంది. ఇప్పటికే సినిమాలో రెండు పాటల్ని విడుదల చేశాం. రెండింటికీ మంచి స్పందన లభించింద’’న్నారు. టీఎన్నార్‌, రంగస్థలం నాగమహేష్‌, అప్పాజీ అంబరీష, ప్రభావతి తదితరులు నటించిన ఈ చిత్రానికి సంగీతం: పెద్దపల్లి రోహిత్‌.