Valimai: బైక్‌పై నుంచి జారిన అజిత్‌.. కళ్లు చెదిరేలా ‘వాలిమై’ విన్యాసాలు!

ఇంటర్నెట్‌ డెస్క్‌: కోలీవుడ్‌ ప్రముఖ నటుడు అజిత్‌ నటిస్తున్న యాక్షన్‌ థ్రిల్లర్‌ చిత్రం ‘వాలిమై’. హెచ్‌. వినోద్‌ దర్శకత్వం వహిస్తున్నారు. ఈ ప్రాజెక్టు కోసం చిత్ర బృందం ఎంత కష్టపడిందో తెలియజేసే వీడియో విడుదలైంది. కొవిడ్‌కి ముందు, తర్వాత పరిస్థితిని చూపిస్తూ తీర్చిదిద్దిన ఈ మేకింగ్‌ వీడియో ఆద్యంతం ఆసక్తిగా సాగింది. తాము పోషిస్తున్న పాత్రల కోసం అజిత్‌, కార్తికేయ పడిన శ్రమని ఇందులో చూడొచ్చు. ఒకానొక సందర్భంలో బైక్‌ స్టంట్స్‌ చేస్తుండగా అజిత్‌ జారిపడ్డారు. అయినా దాన్ని లెక్కచేయకుండా ముందుకుసాగారు. ఆ దృశ్యాలు నెట్టింట వైరల్‌గా మారాయి. జీ స్టూడియోస్‌, బోనీ కపూర్‌ నిర్మిస్తున్న ఈ చిత్రంలో కార్తికేయ ప్రతినాయకుడిగా కనిపించనున్నారు. హ్యుమా ఖురేషి కథానాయిక. యువన్‌ శంకర్‌ రాజా సంగీతం అందిస్తున్నారు. ఈ చిత్రం 2022 సంక్రాంతి కానుకగా విడుదలకానుంది.

► Read latest Cinema News and Telugu News