Drushyam 2: వెంకటేశ్‌ ‘దృశ్యం2’ ట్రైలర్‌.. ఫ్యామిలీ కోసం రాంబాబు ఏం చేశాడు?

హైదరాబాద్‌: ‘ఇప్పుడు రాంబాబు ఫోకస్‌మొత్తం సినిమా తీయడం మీద ఉంది. చట్టానికి దొరకనన్న ఓవర్‌ కాన్ఫిడెన్స్‌తో ఉన్నాడు. వాడు సినిమా తీసేలోపు.. వాడికి సినిమా చూపిద్దాం’ అంటున్నారు నటుడు సంపత్‌. వెంకటేశ్‌ కథానాయకుడిగా నటించిన క్రైమ్‌ థ్రిల్లర్‌ ‘దృశ్యం-2’. 2014లో విడుదలైన ‘దృశ్యం’ చిత్రానికి సీక్వెల్‌గా ఈ సినిమా సిద్ధమైన విషయం తెలిసిందే. ‘దృశ్యం-2’ ట్రైలర్‌ విడుదల వేడుక సోమవారం హైదరాబాద్‌లో జరిగింది. మరి వరుణ్ హత్య కేసులో రాంబాబు కుటుంబం పోలీసులకు దొరికిపోయిందా? రాంబాబు తన కుటుంబాన్ని  కాపాడుకోవటం కోసం ఏం చేశాడు? తెలియాలంటే సినిమా చూడాల్సిందే

అన్ని కార్యక్రమాలు పూర్తి చేసుకున్న ఈ సినిమా నవంబర్‌ 25న అమెజాన్‌ ప్రైమ్‌ వేదికగా విడుదల కానుంది. మలయాళంలో ‘దృశ్యం-2’ తెరకెక్కించిన జీతూ జోసఫ్‌ తెలుగులోనూ దర్శకత్వం వహించారు. నదియా, నరేశ్‌, సంపత్‌ రాజ్‌, తనికెళ్ల భరణి ఈ సినిమాలో కీలక పాత్రలు పోషించారు. అనూప్‌ రూబెన్స్‌ స్వరాలు అందించారు. సురేశ్‌ ప్రొడెక్షన్స్‌ పతాకంపై ఈ సినిమా నిర్మితమైంది.

► Read latest Cinema News and Telugu News