Vijay Deverakonda: ‘లైగర్‌’ మొదలెట్టాడు.. అంచనాలు పెంచుతున్నాడు!

ఇంటర్నెట్ డెస్క్‌: యువ నటుడు విజయ్‌ దేవరకొండ హీరోగా పాన్‌ ఇండియా స్థాయిలో తెరకెక్కుతోన్న చిత్రం ‘లైగర్‌’. సాలా క్రాస్‌ బ్రీడ్‌ అనేది ఉపశీర్షిక. బుధవారం కొత్త షెడ్యూల్‌ ప్రారంభమైందని చిత్ర బృందం తెలియజేసింది. ఈ మేరకు షూటింగ్‌ స్పాట్‌లో ఉన్న విజయ్‌ దేవరకొండ ఫొటోని విడుదల చేసింది. ఇందులో విజయ్‌ పొడవాటి జుత్తుతో ఠీవిగా వెనక్కి తిరిగి కూర్చొని కనిపించాడు. చొక్కా లేకుండా బాక్సింగ్ బరిలోకి దిగిన సన్నివేశంలా అనిపిస్తుంది. ‘రక్తం.. చెమట.. హింస’ అంటూ ఈ ఫొటోకి విజయ్‌ క్యాప్షన్‌ ఇచ్చాడు. ఒక్క లుక్‌తోనే సినిమాపై అంచనాలు పెంచుతున్నాడు. విజయ్‌తోపాటు ఇతర తారాగణంపై కీలక సన్నివేశాలు చిత్రీకరించనున్నారు.

ఈ చిత్రంలో విజయ్‌ దేవరకొండ సరసన బాలీవుడ్‌ భామ అనన్య పాండే నటిస్తోంది. రమ్యకృష్ణ కీలక పాత్ర పోషిస్తున్నారు. పూరి జగన్నాథ్‌ దర్శకత్వం వహిస్తున్నారు. ధర్మ ప్రొడక్షన్స్‌, పూరీ కనెక్ట్స్‌ సంస్థలు నిర్మిస్తున్నాయి. ఈ సినిమా కోసం విజయ్‌ మిక్స్‌డ్ మార్షల్‌ ఆర్ట్స్‌లో ప్రత్యేక శిక్షణ తీసుకున్నాడు. ఇప్పటికే సగభాగం షూటింగ్ పూర్తయింది.