Cinema News: హైఓల్టేజ్‌ యాక్షన్‌ ఎంటర్‌టైనర్‌ షురూ..!

హైదరాబాద్‌: సందీప్‌ కిషన్‌ హీరోగా ఓ భారీ ప్రాజెక్ట్‌ పట్టాలెక్కనుంది. ఈ చిత్రానికి ‘మైఖేల్‌’ అనే పేరు ఖరారు చేశారు. తాజాగా ఆ సినిమా ఫస్ట్‌లుక్‌ పోస్టర్‌ని శుక్రవారం ఉదయం చిత్రబృందం విడుదల చేసింది. కోలీవుడ్‌ దర్శకుడు రంజిత్‌ ఈ చిత్రాన్ని రూపొందించనున్నారు. ఇందులో కోలీవుడ్‌ హీరో విజయ్‌ సేతుపతి కీలకపాత్రలో కనిపించనున్నారు. పాన్‌ ఇండియా సినిమా సిద్ధం కానున్న ఈ చిత్రాన్ని శ్రీ వేంకటేశ్వర సినిమాస్‌, కరణ్‌ సి. ప్రొడెక్షన్‌ సంయుక్తంగా నిర్మిస్తున్నాయి. త్వరలోనే ఈ సినిమా రెగ్యులర్‌ షూట్‌ ప్రారంభం కానుంది. ఇతర నటీనటుల వివరాలు తెలియాల్సి ఉంది. దీంతో సందీప్‌ ప్రస్తుతం ఫిట్‌నెస్‌పై దృష్టి సారించారు. జిమ్‌లో ఫుల్‌ వర్కౌట్లు చేస్తున్నారు. దీనికి సంబంధించిన ఫొటోలను సైతం ఆయన సోషల్‌మీడియా వేదికగా అభిమానులతో పంచుకుంటున్నారు. మరోవైపు ఈ సినిమాలో నటించనున్న ఇతర నటీనటులెవరనేది తెలియాల్సి ఉంది.