Vikram Vedha: వేగంగా ‘విక్రమ్‌ వేద’

హృతిక్‌ రోషన్‌, సైఫ్‌ అలీఖాన్‌ ప్రధాన పాత్రల్లో తెరకెక్కుతోన్న చిత్రం ‘విక్రమ్‌ వేద’. పుష్కర్‌ అండ్‌ గాయత్రి దర్శకత్వం వహిస్తున్న ఈ సినిమా చిత్రీకరణ వేగంగా జరుగుతోంది. లక్నోలో జరుగుతున్న ఈ సినిమా రెండో షెడ్యూల్‌ తాజాగా పూర్తయింది. ఈ సందర్భంగా దర్శకులతో సైఫ్‌ అలీఖాన్‌ ఉన్న ఫొటోను చిత్రబృందం పంచుకుంది. చిత్ర నిర్మాతల్లో ఒకరైన భూషణ్‌కుమార్‌ మాట్లాడుతూ ‘‘సినిమా చిత్రీకరణ వేగంగా జరుగుతోంది. హృతిక్‌, సైఫ్‌లను ఒకే తెరపై చూడటం ప్రేక్షకులకు కనువిందులా ఉంటుంది. వచ్చే ఏడాదిలో రానున్న అత్యంత ఆసక్తికర చిత్రాల్లో మా చిత్రం కచ్చితంగా ఉంటుంది’’అని చెప్పారు. ఈ సినిమా వచ్చే ఏడాది సెప్టెంబరు 30న విడుదల కానుంది.