Vishal: సామాన్యుడు రాగాలాపన

విశాల్‌ హీరోగా నటిస్తూ.. స్వయంగా నిర్మిస్తున్న చిత్రం ‘సామాన్యుడు’. నాట్‌ ఏ కామన్‌ మ్యాన్‌.. అన్నది ఉపశీర్షిక. తు.ప. శరవణన్‌ తెరకెక్కిస్తున్నారు. డింపుల్‌ హయాతి కథానాయిక. యువన్‌ శంకర్‌ రాజా స్వరాలందిస్తున్నారు. ఈ సినిమా త్వరలో ప్రేక్షకుల ముందుకు రానుంది. ఈ నేపథ్యంలోనే బుధవారం ఈ చిత్ర థీమ్‌ మ్యూజిక్‌ను విడుదల చేశారు. స్ఫూర్తివంతమైన సాహిత్యంతో సాగుతున్న ఈ పాటను నివేదిత ఆలపించారు. ప్రచార చిత్రంలో విశాల్‌ ఫుల్‌ యక్షన్‌ మోడ్‌లో కనిపించారు. ‘‘ఆసక్తికరమైన యాక్షన్‌ డ్రామా కథాంశంతో రూపొందుతోన్న చిత్రమిది. విశాల్‌ నటన సినిమాకి ప్రధాన ఆకర్షణగా నిలుస్తుంది. త్వరలో విడుదల తేదీ ప్రకటిస్తాం’’ అని చిత్ర వర్గాలు తెలిపాయి. ఈ సినిమాలో యోగిబాబు, రవీనా రవి, బాబురాజ్‌ జాకబ్‌ కీలక పాత్రల్లో నటిస్తున్నారు. కెవిన్‌ రాజా ఛాయాగ్రాహకుడిగా వ్యవహరిస్తున్నారు.