Vishal: టీజర్‌తో వస్తున్న ‘సామాన్యుడు’

విశాల్‌ కథానాయకుడిగా నటిస్తూ.. స్వయంగా నిర్మిస్తున్న యాక్షన్‌సినిమా ‘సామాన్యుడు’. తు.ప.శరవణన్‌ దర్శకుడు. డింపుల్‌ హయాతి కథానాయిక. ప్రస్తుతం నిర్మాణాంతర కార్యక్రమాల్లో ఉన్న ఈ చిత్రం త్వరలో ప్రేక్షకుల ముందుకు రానుంది. ఈ నేపథ్యంలోనే ఈనెల 25న చిత్ర టీజర్‌ విడుదల చేసేందుకు సిద్ధమయ్యారు. ఈ విషయాన్ని చిత్ర బృందం గురువారం సామాజిక మాధ్యమాల ద్వారా తెలియజేసింది. ‘‘విశాల్‌ నటిస్తున్న 31వ చిత్రమిది. విభిన్నమైన యాక్షన్‌ డ్రామా కథాంశంతో రూపొందుతోంది. త్వరలో విడుదల తేదీ ప్రకటిస్తాం’’ అని చిత్ర వర్గాలు తెలిపాయి. సంగీతం: యువన్‌ శంకర్‌ రాజా, ఛాయాగ్రహణం: కెవిన్‌ రాజా.