Yadhalo Mounam: శ్రీదేవి మేనకోడలు, శివాజీ గణేశన్‌ మనవడు జంటగా.. ‘ఎదలో మౌనం’

ఇంటర్నెట్‌ డెస్క్‌: ప్రముఖ తమిళ నటుడు దివంగత శివాజీ గణేశన్‌ మనవడు దర్శన్‌ గణేశన్‌, దివంగత నటి శ్రీదేవి మేనకోడలు శిరీషపై రూపొందిన గీతం ‘యదలో మౌనం’. భరతనాట్య కళాకారిణి, ప్రముఖ నటి దివంగత పద్మిని రామచంద్రన్‌ మనవరాలు లక్ష్మీదేవి దర్శకత్వం వహించారు. ఈ పాటని శుక్రవారం విడుదల చేశారు. పెళ్లి నేపథ్యంలో సాగే ఈ గీతం అన్ని వర్గాల శ్రోతల్ని అలరించేలా ఉంది. దర్శన్‌, శిరీష హావభావాలు ఆకట్టుకునేలా ఉన్నాయి. ఈ గీతానికి వరుణ్‌ మేనన్‌, అచ్చు రాజమణి స్వరాలు సమకూర్చారు. పూర్ణాచారి సాహిత్యం అందించారు. అచ్చు రాజమణి ఆలపించారు. ఈ వీడియోకి ఛాయాగ్రహణం: అభినందన్‌ రామానుజం, కూర్పు: ఆంటోనీ గొంజాల్వెజ్‌. ఆంటోనీ ప్రముఖ దర్శకులు శంకర్‌, గౌతమ్‌ వాసుదేవ్‌ మేనన్‌ దగ్గర పనిచేశారు. లక్ష్మీదేవి ‘వెన్‌ ది మ్యూజిక్‌ ఛేంజెస్‌’ అనే చిత్రానికి దర్శకత్వం వహించారు. ఈ చిత్రం ఆస్కార్ ‘లైవ్‌ యాక్షన్ షార్ట్స్‌’ కేటగిరీలో నామినేట్‌ అయింది.

► Read latest Cinema News and Telugu News

► Read latest Movies News and Telugu News

► Follow us on Facebook, Twitter, Instagram, Koo, ShareChat and Google News.

ఇవీ చదవండి

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.