Ante Sundaraniki:సుందరం చక్కిలిగింతలు

సుందరం ప్రపంచానికి స్వాగతం పలికాడు కథానాయకుడు నాని. కస్తూరి పూర్ణ వెంకట శేషసాయి పవన రామ సుందర ప్రసాద్‌ నామధ్యేయ అహంబో అభివాదే అంటూ ‘అంటే... సుందరానికి!’ చిత్రంలోని తన పాత్రని పరిచయం చేశారు. నాని కథానాయకుడిగా వివేక్‌ ఆత్రేయ దర్శకత్వంలో తెరకెక్కుతున్న చిత్రమిది. నజ్రియా ఫాహద్‌ కథానాయిక. నవీన్‌ యెర్నేని, రవిశంకర్‌.వై నిర్మాతలు. చిత్రీకరణ తుదిదశకు చేరుకుంది. శనివారం ప్రత్యేకమైన వీడియోని విడుదల చేసి సుందరం పాత్రని పరిచయం చేసింది చిత్రబృందం. చతుస్సాగర పర్యంతం అంటూ మొదలయ్యే ఈ వీడియో ‘అంటే చుందరానికి చమ్మర్‌లో చక్కిలిగింతలా...’ అనే మాటలతో ముగుస్తుంది. హాస్యప్రధానంగా సాగే కథతో ఈ చిత్రం రూపొందుతున్నట్టు స్పష్టమవుతోంది.