Balakrishna: బాలకృష్ణ సరసన శ్రుతిహాసన్‌.. ఆ క్రేజీ ప్రాజెక్టు ఏంటంటే?

ఇంటర్నెట్‌ డెస్క్‌: టాలీవుడ్‌లో కొత్త జోడీ కుదిరింది. ప్రముఖ నటుడు బాలకృష్ణ కొత్త చిత్రంలో శ్రుతిహాసన్‌ కథానాయికగా ఎంపికైంది. ‘క్రాక్‌’ సినిమాతో ఈ ఏడాది సంక్రాంతికి మంచి విజయం అందుకున్న దర్శకుడు గోపీచంద్‌ మలినేని. ఆ ఉత్సాహంలోనే బాలకృష్ణ హీరోగా తదుపరి చిత్రాన్ని (ఎన్బీకే 107 వర్కింగ్‌ టైటిల్‌) ఇటీవల ప్రకటించారు. దీపావళి సందర్భంగా నాయిక వివరాల్ని తెలియజేశారు. ఈ క్రేజీ ప్రాజెక్టులోకి శ్రుతిని ఆహ్వానిస్తూ పోస్టర్‌ని విడుదలని చేశారు.

మైత్రీ మూవీ మేకర్స్‌ సంస్థ నిర్మిస్తోన్న ఈ చిత్రానికి తమన్‌ సంగీతం అందిస్తున్నారు. ఈ సినిమా వాస్తవ సంఘటనల ఆధారంగా రూపొందనుంది. చిత్రీకరణ త్వరలోనే ప్రారంభంకానుంది. గోపీచంద్‌ గతంలో తెరకెక్కించిన ‘బలుపు’, ‘క్రాక్‌’ సినిమాల్లోనూ శ్రుతి హాసన్‌ నటించింది. ప్రస్తుతం.. ‘అఖండ’ చిత్రంతో బిజీగా ఉన్నారు బాలకృష్ణ. బోయపాటి శ్రీను దర్శకత్వం వహిస్తోన్న ఈ సినిమా త్వరలోనే విడుదలకానుంది.