Bimbisara: టీజర్‌తో.. ‘బింబిసార’

నందమూరి కల్యాణ్‌రామ్‌ హీరోగా నటిస్తూ.. స్వీయ నిర్మాణంలో రూపొందిస్తున్న చిత్రం ‘బింబిసార’. ఎ టైమ్‌ ట్రావెల్‌ ఫ్రమ్‌ ఈవిల్‌ టు గుడ్‌.. అన్నది ఉపశీర్షిక. వశిష్ట్‌ దర్శకుడు. కేథరీన్‌, సంయుక్త మేనన్‌ కథానాయికలు. ఈ చిత్ర టీజర్‌ను ఈనెల 29న విడుదల చేయనున్నట్లు శనివారం ప్రకటించారు. ‘‘అతను క్రూరమైన వాడు. బార్బేరియన్‌ కింగ్‌ తన భూభాగాన్ని గుర్తించడానికి వస్తున్నాడు’’ అంటూ చిత్ర బృందం ట్వీట్‌ చేసింది. ఓ చారిత్రక కథాంశంతో తెరకెక్కుతోన్న చిత్రమిది. ఇందులో కల్యాణ్‌రామ్‌ బింబిసార అనే క్రూరమైన రాజుగా శక్తిమంతమైన పాత్రలో కనిపించనున్నారు. ప్రస్తుతం నిర్మాణాంతర పనుల్లో ఉన్న ఈ సినిమా.. తెలుగుతో పాటు అన్ని ప్రధాన భారతీయ భాషల్లో విడుదల కానుంది. త్వరలో విడుదల తేదీ ప్రకటించనున్నారు.