Sita Ramam: ‘సీతారామం’తో మరో సినిమా చేస్తాం: హను రాఘవపూడి
‘సీతా రామం’ జోడీతో మరో అద్భుతమైన చిత్రాన్ని తెరకెక్కిస్తానని, ప్రేక్షకుల్ని త్వరలోనే అలరిస్తామని దర్శకుడు హను రాఘవపూడి అన్నారు. ‘సీతా రామం’ విజయం సాధించిన సందర్భంగా గురువారం హైదరాబాద్లో చిత్ర బృందం థ్యాంక్స్ మీట్ నిర్వహించింది.
హైదరాబాద్: ‘సీతారామం’ (Sita Ramam) సినిమా జోడీతో మరో అద్భుతమైన చిత్రాన్ని తెరకెక్కిస్తానని, ప్రేక్షకుల్ని త్వరలోనే అలరిస్తామని దర్శకుడు హను రాఘవపూడి అన్నారు. ‘సీతారామం’ విజయం సాధించిన సందర్భంగా గురువారం హైదరాబాద్లో చిత్ర బృందం థ్యాంక్స్ మీట్ నిర్వహించింది. ఈ కార్యక్రమానికి ప్రముఖ నటుడు నాగార్జున ముఖ్య అతిథిగా విచ్చేశారు. చిత్ర బృందాన్ని మెచ్చుకున్నారు. మృణాల్ పోషించిన సీత పాత్రతో తాను ప్రేమలో పడినట్లు చెప్పారు.
‘‘అశ్వినీదత్ గారి పిల్లలు స్వప్న, ప్రియాంక.. ఎంతో కాలం నుంచి వాళ్లు నాకు తెలుసు. దత్, వైజయంతి సంస్థకు వాళ్లిద్దరూ పెద్ద అండ. తెలుగు చలన చిత్ర పరిశ్రమలో అగ్ర నిర్మాణ సంస్థగా చెప్పుకొనే వైజయంతి బ్యానర్ కోసం వాళ్లిద్దరూ ఎంతో శ్రమిస్తున్నారు. అందుకు వారికి నా అభినందనలు. ‘సీతారామం’ చూశా. చాలా అసూయపడ్డా. ఎందుకంటే నాకు రావాల్సిన పాత్ర దుల్కర్కు వెళ్లింది. ఆ పాత్రను చూస్తే పాత రోజులు గుర్తుకొచ్చాయి. రొమాంటిక్ చిత్రాలను ప్రేక్షకులు ఇంతలా అభిమానిస్తున్నందుకు సంతోషంగా ఉంది. ప్రేమకథా చిత్రం ఆడియన్స్కు నచ్చితే దాన్ని వారు ఏ స్థాయికి తీసుకువెళ్తారో ఊహించలేం. ఎన్నిసార్లైనా ఆ చిత్రాన్ని చూస్తూనే ఉంటారు. హను.. సినిమాలోని ప్రతి పాత్రను నువ్వు అద్భుతంగా తీర్చి దిద్దావు. ఇలాంటి చిత్రాన్ని రూపొందించడానికి ధైర్యం కావాలి. ఇలాంటి అందమైన చిత్రాన్ని చూసి చాలా రోజులైంది. మృణాల్ మీ పాత్రతో ప్రేమలో పడిపోయా. దుల్కర్ నువ్వు ఎప్పుడూ అందంగా, కలివిడిగా ఉంటావు. నా మేనకోడలి కుమార్తెకు నువ్వంటే ఎంతో అభిమానం. తెలుగు ప్రేక్షకులందరికీ పాదాభివందనం. సినిమాలు బాగుంటే తప్పకుండా థియేటర్లకు వస్తామని మరోసారి నిరూపించారు. మా చిత్ర పరిశ్రమకు ఎంతో అండగా నిలిచారు. అందరిలో ఒక ధైర్యం నింపారు’’ అని నాగార్జున అని వివరించారు.
‘‘తెలుగు ప్రేక్షకులందరికీ ధన్యవాదాలు. మా చిత్రానికి ఇంతటి గొప్ప విజయాన్ని అందించిన మీకు ఎలా థ్యాంక్స్ చెప్పాలో అర్థం కావడం లేదు. మీరు చూపించిన ప్రేమాభిమానాలు నాకెంతో ఉత్సాహాన్ని అందించాయి. నన్ను మీ వాడిగా ఆదరించినందుకు ధన్యవాదాలు. స్వప్న.. ‘మహానటి’కి ఎలా అయితే పిలిచి అవకాశాన్ని ఇచ్చావో ఈ సినిమాలోని రామ్ పాత్రకు సరిగ్గా నప్పుతానని భావించి ఆఫర్ ఇచ్చావు. హను తెరకెక్కించిన విధానం అద్భుతంగా ఉంది. నేనిప్పటి వరకూ పోషించిన ది బెస్ట్ పాత్రల్లో ఇదీ ఒకటి. అన్ని భాషల ప్రేక్షకుల నుంచి ఈ సినిమాకు మంచి స్పందన లభిస్తోంది. మృణాల్ పోషించిన సీతామహాలక్ష్మి పాత్రతో ఎంతోమంది ప్రేమలో పడుతున్నారు. ఆ పాత్రకు ముగ్ధులై ఎంతో మంది ప్రేక్షకులు తిరిగి థియేటర్స్కు తీసుకువస్తున్నారు. ఆమె లేకపోతే ‘సీతారామం’ లేదు’’ అని దుల్కర్ పేర్కొన్నారు. అనంతరం, మీడియా అడిగిన ప్రశ్నలకు చిత్ర బృందం సమాధానమిచ్చింది.
మీరు ఇప్పటివరకూ ఎన్నో హిట్ చిత్రాలు తీశారు. ఈ హిట్ చిత్రం మీకెలాంటి అనుభూతి పంచింది?
అశ్వినీదత్: మీరన్నట్టే ఎన్నో గొప్ప సినిమాలు తీశా. ‘ఫీల్గుడ్ లవ్స్టోరీ చేయలేదే’ అన్న వెలితి ఎంతోకాలం నుంచి నాలో ఉండేది. ఎందుకంటే, నేను ఇండస్ట్రీలోకి రాకముందు, వచ్చిన తర్వాత ‘మరోచరిత్ర’, ‘గీతాంజలి’ ఈ రెండే ఫీల్ గుడ్ లవ్స్టోరీలు. నేను కూడా అలాంటి ప్రేమ కథను తీయగలనా అనుకునేవాడిని. నాగ్ అశ్విన్ ఓ రోజు ఆఫీస్కు వచ్చి హను రాఘవపూడితో సినిమా చేయండి. మంచి ఫలితాలు వస్తాయి అని చెప్పాడు. స్వప్న కథ విని నాతో చెప్పాక.. ఇంటర్వెల్, క్లైమాక్స్ విన్నా. ఇదే కదా నేనెంతో కాలంగా నుంచి ఎదురుచూస్తోన్న సినిమా అనిపించింది.
పార్ట్- 2 తీస్తారా?
హను: ప్రేక్షకులు అంతగా ఎమోషనల్ కావడానికి నటీనటులే కారణం. వాళ్లిద్దరూ బాగా నటించారు. ఈ చిత్రానికి సీక్వెల్ చేసే అవకాశం లేదు. కానీ, ఈ జోడీతో మరోసారి ఓ సినిమా చేస్తాం.
ఈ బ్యానర్లో మూడో సినిమా ఎప్పుడు చేస్తారు?
దుల్కర్: ఆ విషయం వైజయంతి వాళ్లనే అడగాలి. ఇలాంటి ప్రొడక్షన్ హౌస్ని నేను ఎప్పుడూ చూడలేదు. సంస్థ వారంతా ఒక కుటుంబంలా ఉంటారు.
టాలీవుడ్లో చాలా మంది యంగ్ హీరోలున్నారు? దుల్కర్ని ఎంచుకోవడానికి కారణం?
హను: దుల్కర్ మాత్రమే చేయగలిగే రోల్ ఇది అని నేను నమ్మాను.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
మీరు వింటున్న రూమర్స్ నిజమే.. సినిమాటిక్ యూనివర్స్పై ప్రశాంత్ వర్మ
తన సినిమాటిక్ యూనివర్స్పై దర్శకుడు ప్రశాంత్వర్మ ఆసక్తికర కామెంట్స్ చేశారు. -
హనుమాన్ జన్మోత్సవ్.. ప్రశాంత్వర్మ ప్లాన్ మామూలుగా లేదుగా!
హనుమాన్ జన్మోత్సవ్ సందర్భంగా ‘జై హనుమాన్’కు సంబంధించిన ఆసక్తికర విషయాన్ని ప్రశాంత్వర్మ పంచుకున్నారు. -
పెద్ద స్టార్స్ ఎవరూ ఉండరు.. ‘ది దిల్లీ ఫైల్స్’ అప్డేట్ ఇచ్చిన దర్శకుడు
‘ది దిల్లీ ఫైల్స్’లో పెద్ద స్టార్స్ ఎవరూ ఉండరని దర్శకుడు స్పష్టం చేశారు. -
10 వేల పదాలతో విజయ్పై కవిత.. అవార్డు దక్కించుకున్న అభిమాని
తమిళ స్టార్ హీరో విజయ్పై ఓ అభిమాని వినూత్న రీతిలో తన అభిమానాన్ని చాటుకున్నారు. -
రజనీకాంత్- లోకేశ్ కాంబో టైటిల్ వచ్చేసింది.. ఈ పేరు ఊహించారా?
రజనీకాంత్ కొత్త సినిమా టైటిల్ ఖరారైంది. అదేంటంటే? -
చిరు ‘విశ్వంభర’.. హైలైట్ షెడ్యూల్ పూర్తి!
చిరంజీవి హీరోగా రూపొందుతున్న ‘విశ్వంభర’లో ఇంటర్వెల్ సన్నివేశాలు హైలైట్ కానున్నాయి. దీని షెడ్యూల్ను పూర్తి చేసినట్లు సమాచారం. -
ఈ వారం థియేటర్లో ఆసక్తికర మూవీస్.. ఓటీటీలో డబుల్ ఫన్..
ఏప్రిల్ చివరి వారంలో ప్రేక్షకులను అలరించడానికి థియేటర్కు ఆసక్తికర చిత్రాలు రాబోతున్నాయి. అలాగే ఓటీటీలోనూ వినోదాన్ని పంచడానికి పలు చిత్రాలు, సిరీస్లు సిద్ధమయ్యాయి. -
ఆసక్తి రేకెత్తిస్తున్న ‘కల్కి 2898 ఏడీ’ గ్లింప్స్.. అమితాబ్ బచ్చన్ పాత్ర ఇదే!
‘కల్కి 2898 ఏడీ’లోని అమితాబ్ బచ్చన్ పాత్రకు సంబంధించిన గ్లింప్స్ విడుదలైంది. -
25 రోజుల్లో రూ.150 కోట్లు.. బాక్సాఫీస్ వద్ద దూసుకెళ్తోన్న ‘ఆడు జీవితం’
పృథ్వీరాజ్ సుకుమారన్ (Prithviraj Sukumaran) ప్రధాన పాత్రలో నటించిన సర్వైవల్ థ్రిల్లర్ ‘ఆడు జీవితం’ (Aadujeevitham). ఇటీవల విడుదలైన ఈ చిత్రం బాక్సాఫీస్ వద్ద భారీ వసూళ్లతో దూసుకెళ్తోంది. -
‘శబరి’ చేయడానికి ఆమె ప్రధాన కారణం: నిర్మాత మహేంద్రనాథ్
‘శబరి’ సినిమా మే 3న ప్రేక్షకుల ముందుకురానున్న సందర్భంగా నిర్మాత మీడియాతో ముచ్చటించారు. -
వాటిని నమ్మకండి.. మహేశ్-రాజమౌళి సినిమాపై నిర్మాత కామెంట్స్
రాజమౌళి - మహేశ్ ప్రాజెక్ట్పై సోషల్ మీడియాలో వచ్చే వార్తలను నమ్మొద్దని నిర్మాత గోపాల్రెడ్డి కోరారు. -
‘ప్రేమలు 2’ ఫిక్స్.. రిలీజ్ ఎప్పుడంటే?
ఇటీవల ప్రేక్షకుల ముందుకు వచ్చి సూపర్ హిట్ అయిన ‘ప్రేమలు’ చిత్రానికి సీక్వెల్ రానుంది. ఈ విషయాన్ని నిర్మాణ సంస్థ అధికారికంగా ప్రకటించింది. -
‘విక్రమార్కుడు’, ‘బజరంగీ భాయిజాన్’ సీక్వెల్స్ అప్డేట్.. ఎంతవరకు వచ్చాయంటే!
రెండు హిట్ సినిమాల సీక్వెల్స్పై నిర్మాత రాధామోహన్ మాట్లాడారు. వాటి స్క్రిప్ట్ వర్క్ పూర్తయిందన్నారు. -
సూపర్హిట్ చిత్రానికి సీక్వెల్ ప్రకటించిన సితార ఎంటర్టైన్మెంట్స్
ఎన్టీఆర్ బామ్మర్ది నార్నే నితిన్ తెరంగేట్రం చేసిన చిత్రం ‘మ్యాడ్’ (MAD). కామెడీ డ్రామాగా తెరకెక్కిన ఈ చిత్రం బాక్సాఫీస్ వద్ద ఘన విజయాన్ని అందుకుంది. -
తేజ సజ్జా కొత్త చిత్రం.. టైటిల్ ఏమిటంటే..?
‘హనుమాన్’తో ఘన విజయాన్ని అందుకున్నారు నటుడు తేజ సజ్జా (Teja Sajja). తాజాగా ఆయన తన కొత్త చిత్రాన్ని అనౌన్స్ చేశారు. -
మాటిస్తున్నా..: ‘జై హనుమాన్’పై ప్రశాంత్ వర్మ పోస్ట్
ప్రశాంత్ వర్మ (Prasanth varma) - తేజ సజ్జా (Teja Sajja) కాంబినేషన్లో తెరకెక్కిన చిత్రం ‘హనుమాన్’ (Hanuman). ఈ చిత్రానికి కొనసాగింపుగా ‘జై హనుమాన్’ (Jai hanuman) రానున్న విషయం తెలిసిందే. -
ఐపీఎల్, ఎన్నికల ఎఫెక్ట్.. వెనక్కి తగ్గుతున్న సినిమాలు..!
తెలుగు రాష్ట్రాల్లో ఎన్నికలకు సంబంధించిన నోటిఫికేషన్ ఈ నెలలో విడుదల కానుండటంతో రాజకీయ వేడి మరింత పెరగనుంది. దీంతో పలు సినిమాలు వాయిదా పడుతున్నాయి. -
చిత్ర పరిశ్రమలో ‘ఏఐ’ ట్రెండ్.. విజయ్ సినిమాలో దివంగత నటుడు!
విజయ్ హీరోగా నటిస్తున్న తాజా చిత్రం ‘ది గ్రేటెస్ట్ ఆఫ్ ఆల్ టైమ్’. ఇందులో దివంగత నటుడు విజయకాంత్ కనిపించనున్నారు. -
మహేశ్-రాజమౌళి మూవీ.. ముందే ఆ విషయం చెప్పబోతున్నారా?
మహేశ్, రాజమౌళి సినిమాకు సంబంధించి మరో ఆసక్తికర విషయం సామాజిక మాధ్యమాల వేదికగా చక్కర్లు కొడుతోంది. -
‘కన్నప్ప’లో బాలీవుడ్ స్టార్ హీరో.. అధికారికంగా ప్రకటించిన టీమ్..
‘కన్నప్ప’లో బాలీవుడ్ స్టార్ హీరో భాగమైనట్లు చిత్రబృందం తెలిపింది. -
ఈ వారమూ చిన్న చిత్రాలదే హవా.. మరి ఓటీటీలో..?
ఈ వారం కూడా బాక్సాఫీస్ వద్ద చిన్న చిత్రాలే సందడి చేయనున్నాయి. మరోవైపు ఓటీటీలో అలరించే చిత్రాలు ప్రేక్షకుల ముందుకు రాబోతున్నాయి.
తాజా వార్తలు (Latest News)
-
అత్యాచారం కేసు.. హాలీవుడ్ నిర్మాత హార్వే వేన్స్టీన్కు ఊరట
-
VI 2.0కు నాంది.. మళ్లీ పుంజుకొంటాం: కుమార మంగళం బిర్లా
-
ఈనాడు.నెట్లో టాప్ 10 వార్తలు @ 9PM
-
ముయిజ్జు పార్టీకి ‘సూపర్ మెజార్టీ’.. భారత్ స్పందనిదే...
-
ఎట్టకేలకు తెలుగులో ‘OMG2’.. స్ట్రీమింగ్ ఎక్కడంటే?
-
టెక్ మహీంద్రా లాభంలో 41 శాతం క్షీణత.. ఒక్కో షేరుపై రూ.28 డివిడెండ్