Thank You: విభిన్న లుక్స్‌తో నాగచైతన్య.. హత్తుకునేలా ‘థ్యాంక్‌ యూ’ టీజర్‌

ఇంటర్నెట్‌ డెస్క్: నాగచైతన్య (Naga Chaitanya) పలు విభిన్న లుక్స్‌లో కనిపించనున్న చిత్రం ‘థ్యాంక్‌ యూ’ (Thank You). రాశీఖన్నా, అవికాగోర్‌, మాళవిక నాయర్‌ కథానాయికలు. విక్రమ్‌ కె. కుమార్‌ (Vikram Kumar) దర్శకత్వం వహిస్తున్న ఈ చిత్రం జులై 8న ప్రేక్షకుల ముందుకురానుంది. ఈ సందర్భంగా చిత్ర బృందం టీజర్‌ను విడుదల చేసింది. విభిన్న ప్రేమకథతో ఈ సినిమా రూపొందుతున్నట్టు ప్రచార చిత్రంలో చూపించిన సన్నివేశాలు చూస్తే అర్థమవుతోంది. క్లాస్‌, మాస్‌ గెటప్‌లో చైతన్య కనిపించిన తీరు అందరినీ ఆకట్టుకునేలా ఉంది. ప్రతి సంభాషణలోనూ విక్రమ్‌ కుమార్‌ మార్క్‌ కనిపిస్తుంది. తమన్‌ అందించిన నేపథ్య సంగీతం వినసొంపుగా ఉంది. ఈ చిత్రాన్ని శ్రీ వేంకటేశ్వర క్రియేషన్స్‌ పతాకంపై దిల్‌రాజు, శిరీష్‌ సంయుక్తంగా నిర్మిస్తున్నారు. సూపర్‌హిట్‌ చిత్రం ‘మనం’ తర్వాత విక్రమ్‌- చైతన్య కాంబినేషన్‌లో వస్తుండటంతో ‘థ్యాంక్‌ యు’ (#ThankYouTeaser)పై ప్రేక్షకుల్లో ఆసక్తి నెలకొంది.