Thar trailer: ఆసక్తికరంగా ‘థార్‌’ ట్రైలర్‌.. తెరపై తండ్రీ కొడుకులు

ఇంటర్నెట్‌డెస్క్‌: బాలీవుడ్‌ నటుడు అనిల్‌ కపూర్‌, ఆయన తనయుడు హర్షవర్థన్‌ కపూర్‌ తెరపై సందడి చేసేందుకు సిద్ధమయ్యారు. రాజేశ్‌ సింగ్‌ చౌదరి దర్శకత్వంలో వీరిద్దరూ కలిసి నటిస్తున్న డార్క్‌ క్రైమ్‌ డ్రామా ‘థార్‌’. సోమవారం ఈ చిత్ర ట్రైలర్‌ను విడుదల చేశారు. ఇందులో అనిల్‌ పోలీస్‌ అధికారిగా కనిపించగా, హర్షవర్థన్‌ అరుదైన వస్తువులను అమ్మి సొమ్ముచేసుకునే వ్యక్తి పాత్రలో కనిపించారు.  థార్‌ ప్రాంతంలో జరిగే వరుస హత్యలకు, హర్షవర్థన్‌కు సంబంధం ఉందా? పోలీస్‌ అధికారిక అయిన అనిల్‌ కపూర్‌ వాటిని ఎలా చేధించడాన్నది ఈ చిత్ర కథ. ప్రముఖ ఓటీటీ నెట్‌ప్లిక్స్‌ ఈసినిమాను నిర్మిస్తోంది. మే 6వ తేదీ నుంచి స్ట్రీమింగ్‌ కానుంది. ఈ సందర్భంగా అనిల్‌ కపూర్‌ మాట్లాడుతూ.. షూటింగ్‌ సమయంలో తాను కొన్ని సూచనలు చేశానని, కానీ, వాటిని హర్షవర్థన్‌ తిరస్కరించాడని చెప్పారు. హర్ష తీసుకున్న నిర్ణయమే సరైనదని తెలిపారు.