ఏప్రిల్ 8న విడుదల కానున్న ‘ది బిగ్‌ బుల్‌’

ముంబయి: అభిషేక్‌ బచ్చన్‌, ఇలియానా కలిసి నటిస్తున్న చిత్రం ‘ది బిగ్‌ బుల్‌’. కూకీ గులాటి దర్శకత్వంలో తెరకెక్కుతుంది. 1980-1990 కాలంలో స్టాక్ బ్రోకర్ హర్షద్ మెహతా పాల్పడిన ఆర్థిక నేరాల ఆధారంగా చిత్రం రూపొందించారు. చిత్రాన్ని ఏప్రిల్‌ 8న డిస్నీ + హాట్‌ స్టార్‌లో విడుదల చేయనున్నారు. ఈ నెల 19న ట్రైలర్‌ విడుదల చేయనున్నట్లు చిత్రబృందం ప్రకటించింది.

అజయ్‌ దేవగణ్‌ ఫిల్మ్స్, ఆనంద్‌ పండిట్‌ మోషన్‌ పిక్చర్స్ కలిసి సంయుక్తంగా నిర్మించారు. సెప్టెంబర్ 16, 2019న ప్రారంభమైన ఈ చిత్రం షూటింగ్‌ కోవిడ్‌ కారణంగా వాయిదా పడింది. థియేటర్లో ఈ సినిమాని విడుదల చేయడం లేదు. ఇందులో నికితా దత్తా, వరుణ్‌ శర్మ, చుంకీ పాండే, లేఖ ప్రజాపతి, కుముద్‌ మిశ్రా తదితరులు నటిస్తున్నారు.