Dhanush: ధనుష్‌ పోరాటం..విక్కీ కౌశల్‌ ప్రచారం

ఇంటర్నెట్‌ డెస్క్‌: ప్రముఖ ఓటీటీ సంస్థ నెట్‌ఫ్లిక్స్‌ నిర్మాణ భాగస్వామ్యంతో, రూసోబ్రదర్స్‌ దర్శకత్వం వహించిన హాలీవుడ్‌ యాక్షన్‌ థ్రిల్లర్‌ ‘ది గ్రే మ్యాన్‌’(The Gray Man). ర్యాన్‌ గాస్లింగ్‌ (Ryan Gosling) కథానాయకుడిగా నటించిన ఈ చిత్రంలో కోలీవుడ్‌ నటుడు ‘ధనుష్‌’ (Dhanush) కీలకపాత్ర పోషించాడు. ‘అవిక్‌ సాన్‌’ పేరుతో ఈ సినిమాలో ధనుష్‌ చేసిన పోరాటాలు ప్రచార చిత్రాల్లో కనిపించి, ప్రేక్షకులను విపరీతంగా ఆకట్టుకున్నాయి. ఈ నెల 15న థియేటర్లలో విడుదలైనా ఈ చిత్రానికి మంచి స్పందన లభిస్తోంది. సీఐఏ ఏజెంట్ల ఆపరేషన్‌లో భాగంగా నడిచే కథకు, ఉత్కంఠ కలిగించే యాక్షన్‌ సన్నివేశాలకు ప్రేక్షకులు ఫిదా అవుతున్నట్లు, అందుకే ఈ సినిమాను నెట్‌ఫ్లిక్స్‌లో ఈ నెల 22నుంచే స్ట్రీమింగ్‌ చేయనున్నట్లు ఓటీటీ సంస్థ ప్రకటించింది. ఇంకా ఈ సినిమా ప్రచారానికి ప్రముఖ బాలీవుడ్‌ నటుడు విక్కీకౌశల్‌ ను ఎంచుకున్నట్లు తెలిపింది. ఈ సందర్భంగా విక్కీ కౌశల్‌ తో ఒక ప్రత్యేక ప్రచార వీడియోను చిత్రీకరించి యూట్యూబ్‌లో ఉంచింది. ఇక ‘ది గ్రే మ్యాన్‌’ చిత్రంలో ‘కెప్టెన్‌ అమెరికా’ ఫేం క్రిస్‌ ఇవాన్స్‌(Chris Evans) ముఖ్య పాత్ర పోషించాడు.